بيت العرايس و العرسان

اللي يحبنا ما يضربش نار عندنا

Thursday, April 03, 2008

علبة سجاير


هاى برايد

عاملة إيه؟ يا رب تردى بالصيحة الأشهر "وجدته" - معلش بقى ارشميدس ما يزعلش -

شوفى يا أختى أنا طبعاً من كتر العرسان اللى إترزيت بيهم (مع الإعتذار للرزية) مش قادرة أفتكر هم كام بالضبط بس خلينا كده واحدة واحدة سوا من أول واحد وأنا عندى 18 سنة لحد ما بعيد عنك وعن القارئات ما بقيت 33 سنة

أول واحد ده يا ستى كان اسمه على مسمى "ماهر"
طول عمرى يا ستى أسمع إن طريق الألف ميل يبدأ بخطوة لكن يبدأ بعلبة سجاير دى كانت جديدة وشوفى بقى
كنت فى ثانوية عامة وبأحلم بواحد فى وسامة توم كروز (أحمد عز ما كانش لسه طلع) وكنت شاطرة موت وطموحى أدخل كلية قمة وفى مرة ماما بعتتنى أودى حاجة عند طنط منى صاحبتها وقعدت طنط تدردرش معايا عن الكلية اللى نفسى أدخلها وقلتلها إزاى البيت عندى مش عاوزنى أدخلها لأن كل شغلها مجهد جداً للبنت وسكتت طنط شوية وقالت لى


سيبى لى أنا الموضوع ده إبن جيرانا فى نفس الكلية دى وتعالى نسأله صحيح الكلام ولا إيه
جريت طنط على التليفون ورجعت بعد دقيقتين تقولى


"ماهر" جاى دلوقت وهنعرف كل حاجة


ورن الجرس ودخل ماهر وأختك كان هيغمى عليها وحسيت إن عينى طالعة بره وشى زى عصفور ساعة الحيطة لما تدق
وسلم علىً وأنا مديت إيدى أسلم يمكن أسند على إيده قبل ما أقع من طولى
مفيش فيه غلطة يا برايد دالق جردل برفان عليه وشياكة ايه ورقة ايه وعيون إيه يالهووووووووووووووووى (طبعاً ده إحساسى ساعتها) قعدت متنحة وطنط هى اللى بتسال وهو يجاوب ويبص لى وأنا مش فاكرة من الدنيا غير جملة د/ نبيل فاروق فى روايات الزهور "وغرقت فى عينيه

المهم فقت يا أختى على كلمة
"

عموماً خدى رقم تليفونى لو حبيتى تدخلى الكلية لما تنجحى عشان أقولك تعملى إيه فى إختبار القدرات"

لو حبيتى؟ أهبل ده يا أخواتى طبعاً أحب وأحب وجيت أتكلم صوتى طلع زى ما تكون بتسمع حد بيكلمك فى الموبايل والشبكة واقعة "
هو حضرتك فى سنة كام؟

" فى سنة تالتة يعنى لو جيتى كليتى هتلحقينى فى سنة


وسلم ومشى وأنا جرى من وراه شكرت طنط ونزلت هوا قبل ما تأخد بالها إنى مبرقة زى مرضى عنبر الخطرين فى العباسية
مشيت بقى ولا شادية وهى بتغنى سونة يا سونسون لحسن يوسف ولا حيبيى أهو لعماد حمدى والقمر ده ممكن أشوفه كل يوم لو دخلت الكليه دى وكان فاضل شهر على الإمتحانات وفضلت أذاكر ولا كأنى عبد الحليم فى فيلم الوسادة الخالية وخلصت الإمتحانات وإستنيت النتيجة تطلع بفارغ الصبر عشان ألقى حجة أتصل بيه ده غير مرواحى عند طنط منى بمناسبة وبغير مناسبة عشان أشوفه ولو من بعيد
وطلعت النتيجة وجبت مجموع الكلية وكان الكل فرحان بالمجموع وأنا اللى فرحانة بأبو العيون العسلية وكلمت طنط منى تبدأ تقنع ماما ورحنا لطنط وتانى جه القمر وبدأ يشرح لماما مزايا الكلية وأن فيه كذا قسم ومنهم اللى شغله مناسب للبنت ومش عارفة إزاى قدر يقنع ماما اللى كانت معاندة وفى الآخر استئذن وقال لى


أنا تحت أمرك فى أى سؤال
وضحكت طنط ضحكة حسيت كده أنها خبيثة شوية
وقالت لو مش فهمتى حاجة نجيب ماهر يذاكر لك عندى




أبوسك منين يا طنط يا حلوة يا جميلة يا يا يا.......عارفين كل الكلام الحلو اللى فى الأفلام العربى تقوله البنت لأمها بعد ما تقابل الجو
وطبعاً ما صدقت واتصلت أشكره ويا خرابى على الرقة يا خرابى وبدأنا نتكلم كل أسبوع كده مرة وكل مرة وأنا إيه عاملة زى اللى بيأخدوا حقن مورفين وبدأت السنة واستهبلت فيها طبعاً وقلت أنا مش فاهمة المحاسبة دى عشان أنا أدبى واتعمدت أقول كده قدام طنط منى وكانت هى معايا على الخط تقريباً لأنها ردت


بسرعة خلاص ماهر يذاكرها لك


وجه اليوم الموعود واتصلت أأكد عليه المعاد قبل ما أنزل وطلب منى وأنا جاية أجيب له "علبة سجاير" يادى الحوسة يا أولاد ودى هأجيبها إزاى بس رديت يسرعة بس كده حاضر السوبر ماركت زى اللى عاملة عملة وشاورت للراجل على علبة السجاير من بعيد وخبتها معايا زى اللى مخبية جثة ولما وصلت اديتها له ورفضت بشدة تمنها
لا مش ممكن أبدا كفاية تعبك معايا كفاية معطلاك


وتكرر الدرس واتكررت السجاير -ممكن أقولك كل الماركات الحريمى والرجالى- وأنا كفاية أسمع كلمة
"
ميرسيه" "أصل أنا مش بأتكسف منك عشان أنتى قريبة منى"
وحكى لى عن مشاكله العائلية اللى مخلية باباه معاند مع مامته ومش بيصرف عليهم وأنا أسح يا أختى عشانه طول الليل وبدأ كلام


"بصراحة انا بأحبك بس عارف أنك مش ممكن تقبلى واحد لسه مش أتخرج ولا معاه فلوس
...إلخ إلخ"
ويا لهوى على كلام


"أنا صريح معاكى موت أصلى بأحس لما بأكلمك أنى قدام نفسى كأنى قدام مرايا أرجوكى ساندينى"
وأختكم ما كدبتش خبر وعملت فيها البنت المصرية الأصيلة وقعدت أتخيل نفسى بعد ما ربنا يفرجها عليه ويشتغل ويبنى نفسه ونتجوز وأنه هيكون عظيم ووراء كل عظيم إمراءة (المحروسة أنا) وأثبت أصلى بداية من علبة السجاير لحد مصروف جيبه مروراً بالهدوم والبرفانات وساندوتشات الكلية وكل ما تتخيلونه وإتخرج "سبعى" وقعد مستنى الجيش وكانت آخر كلمة له قبل ما يروح يتقدم للجيش

"أرجوكى إوعى تسيبينى لازم تيجى تزورينى بأكل وسجاير وفلوس"
وما راحش الجيش وبرضه ما لقاش شغل وفضلت وصلة السجاير والفلوس مستمرة وأنا بلا تذمر وبلا نقود أيضاً ولقى شغل ونطيت من على الأرض حبيبى هيشتغل وكل مشاكلنا هتتحل ويجى يخطبنى واشتغل وبفلوس كتير وبرضه فضل يطلب علبة سجاير كل ما يشوفنى وفلوس برضه ما يمنعش ورغم إن ربنا إدى له كتير لكن عمره ما فكر يجيب لى وردة ولو بلاستيك حتى ولا اتقدم لى برضه بحجة أنه عايز يكمل من مجاميعه وبعدين يتقدم وأنا زى العبيطة أفرح وأقول بيحبنى خايف أهلى يلاقوا حجة ويرفضوه فبيقطع عليهم الطريق
وفى يوم اتفقنا نتقابل وكان هو جاب موبايل ودخلت الكافيه وهو فى وضع مش يسمح له يشوفنى وسمعته بيقول


"يا عبير يا حبيبتى أنا مش بأتكسف منك أنا بأكلمك زى ما أكون بأكلم نفسى قدام مرايا أشوفك بليل وما تنسيش تجيبى لىً علبة سجاير"
أنأن أنأن أنأن.......وهوب

مفيش داعى لوصف السنين السودة اللى جت بعد كده علىً والحمد لله أن كان عمرى بقى 22 سنة بس فعلى ما استرديت وعيى من غيبوبة الصدمة كنت وصلت 24 سنة


عارفة يا برايد قابلنى صدفة من 5 سنين فى مول وسألنى


مش محتاجة حاجة تخدى فلوس أنتى يا ما أديتينى

وطلع لى 50 جنيه وهو بيسألنى

صحيح أنتى ليه مش أتجوزتى لحد دلوقتى؟
رديت بهدوء وأنا بأنسحب من قدامه

"عشان لسه مالقتش راجل"


بس وشكم كلمته زى فاتن حمامة ما كلمت استيفان روستى فى فيلم سيدة القصر نفس البصة يا أخواتى وهى بتسأله "أنت بتشتغل إيه بالضبط؟" (أموت أنا فى الكلاسيكيات دى)

أوعوا يا بنات تغرقوا فى العين العسلية وأحذر أى بنت من لعب دور المضحية الشهمة تمهيداً للعب دور الزوجة العظيمة
والمثل بيقول



عيش ندل تموت مستور



أختك جيجي
قصتها و بأسلوبها

121 Comments:

Blogger بطوط حبوب said...

ياااااااااه اسلوبك جميل جدا يا جيجى
انا اول مره اعلق هنا
بس الواد ده دخل دماغى
سجاير ومصروف لمده اربع سنين؟؟
يادى الهنا يادى الهنا
بس فعلا الواحد مش بيتعلم بلاش

4:03 PM  
Anonymous Anonymous said...

اول مرة اعرف ميزة جديدة لعدم التدخين
انى اكون محترم فى نظر نفسى فبل ما اكون محترم فى نظر غيرى
لكن تعليقى
ان ابشع شىء فى العالم ان البنت تحس ان راجلها اللى كانت فاكراه راجل يطلع خسيس وساقط من نظرها
اما تعليقى على الاسلوب انا شايف انك واخدة كتير من اسلوب مدام برايد ( افرحى يا برايد عملتك مدام)
وياريت تكملى بقيت قصص ندالة الشباب فى معاملة الاحباب
مع تحياتى الشاب صبرى

4:47 PM  
Blogger mostafarayan said...

انا شايف انككنتي بتحبيه قوي علشان كدة اديتي من غيرماتنتظري العطاء لكن لازم تاخدي بالك لما اشتغل وفضل ياخد منك فلوس وقبلها كمان لما فضل ياخد فلوس منك وانت ست وبتاخدي من اهلك
لكن تفضلي سنتين علي بال لماتفوقي من الصدمة متهيألي دةوقت كبير قوي
علي العموم مش كل الرجالةكدة
وان شاء الله هتلاقي راجل بجد يستهالك

5:25 PM  
Blogger romalistic said...

بدايةً أسلوبك جميل
أنا مش عارفة ازاى كان بيطلب منك فلوس عادى كده؟ :S

طبعاً انت كنت صغيرة وقتها بس فعلاً دور المضحية الشهمة مينفعش خالص فى الواقع .. بينفع فى المسلسلات و الأفلام و الروايات بس
لأن غالباً الطرف التانى مش بيكون يستاهل

5:28 PM  
Blogger Z_Diva said...

da eah elshab ello2ta da

la wallahy aseel, mknty 7asbteh 3la elarba3 sneen elly k3ty fehm dm albk 3la syato, mho ya 7bebty besbes is besbes, ah we da 72 mn 72o2k elkawmya asln:D

yalla fdaky, e3tbry inhm etsr2o mn el5zna wa amrk lelah

3la fkra, el3yna de mntashra gdan, ma3 e5tlaf nsab elestnta3, wa tfawotha ben elestnta3 elmady aw elestnta3 elm3nawy :S

6:10 PM  
Blogger FaceMoon said...

اديكى اتعلمتى حاجة انك متبقيش طيبة كدة ومعلش هيا اول تجربة اللى بتعلم بس بجد مش حيلاقى بنت جدعة زيك كدة تانى كويس ان العلاقة مش استمرت عشان السجاير كمان بقت غالية دلوقتى كنتى حتعلنى افلاسك
ربنا يوفقك فى انسان احسن ويكون راجل ان شاء الله وبهنيكى على اسلوبك الجميل

7:00 PM  
Blogger حاسوباتيه said...

ده فظبع قوي ايه ده وندل قوي كمان بس انتي تقولي الحمد لله انك خلصتي منه تخيلي لو كنتوا اجوزوتيه قولي الحمد لله واتعلمي من الي حصل وربنا يوفقك يارب في راجل بجد وكلنا كمان يارب

8:11 PM  
Blogger موجة said...

جيجي
بوست جميل
اسلوبك رائع

خالص تحياتي
احمد

11:55 PM  
Blogger rodi said...

يا حبيبتى

ايه التضحية العظيمة دى اربع سنين تصرفى على واحد نطع
وكمان سنتين عشان تفوقى من تلامة اهله

يعنى ست سنين فى مشروع فاشل وباين من الاول انه فاشل وطنطك منى دى عملتى فيها ايه
دى ست اى كلام ودى اكتر كلمة مؤدبة ممكن تتقال عليها

1:15 AM  
Blogger مش عايز أتجوز said...

أعتقد إن الملام في الموضوع مش هو خالص
ياه ده أنا بتكسف لما بنت تكون رايحة تصور ورق في الكلية وأكسل أقوم أروح أصور لنفسي
ولا لما تدفع بريزة تصوير عشان مش معايا فكة
ده أصلاً ولد ساذج من أسرة مفككة..مش بيعرف يكدب كويس وواضح من الأول إنه بيستغلك ..فتكرار الموضوع سببه إنك مناعتك العاطفية كانت ضعيفة وقتها ومنبهرة بيه من أول نظرة وغياب رقابة الأم وصلك لمرحلة إنه لو طلب لبس يروح بيه الكلية هتجيبيله
وفي الأخر الحمد لله إن ربنا فوقك قبل الأرتباط بجد..لأنه ممكن يكتسب خبرة كافية يخليكي تديله كل مليم ممكن ياخده من شقا والدك وشقاكي كمان لما تشتغلي
يلا الحمد لله الواحد مش بيتعلم ببلاش وقدر الله وما شاء فعل

4:31 AM  
Blogger M o h a m e d said...

معقول كدة
ده مش بني ادم بجد
بس برضه انتي غلطانة لازم قبل اي خطوة تفكري اللي بتعمليه صح و للا غلط

و 4 سنين على الوضع ده و انتي مش قادرة تفهميه اسمحيلي ده سذاجه رهيبة منك

12:13 PM  
Anonymous doodo said...

ana ma3a z-diva...f3lan el estenta3 ba2a 3adwa byn el nas...
yala wala yehemek w e3rafy en el zolm zolomat..Rabena sure mesh hayseebo...

1:32 PM  
Blogger S H A H said...

والله يا جيجي انتي تحفة ولقطة و كان نفسي الاقي حد زيك كدة من زمان

طبعا مش عايز اتفلسف و اقول انك كان لازم تاخدي بالك من تاني علبة سجاير انه واد استقطاعي و براشوت

بس فعلا الحب بيخلي جهاز الترجمة في المخ يضرب و يترجم على هوا المحب مهما كانت الافعال

بس انا معرفتش لسة, يا ترى بعد العمر الجميل ده لقيتي الراجل اللي اسمه راجل ولا لسة؟!؟

اتمنى لك كل السعادة في حياتك ان شاء الله
و والله, تبقي وحيدة احسن بكتير من راجل مش راجل

موضوع ضل الحيطة ده بقى موضة قديمة و المثل بدأ ينقرض

تقبلي مروري على بوستك و اسلوبك الرائع

S H A H

2:34 AM  
Anonymous Anonymous said...

هاى يا شباب
أشكركم جداً على تعليقاتكم على حكايتى وفعلاً زى ما قلتم جهاز المناعة العاطفية عندى كان ضعيف موت ده غير أنى كنت متأثرة بصورة الحبيبة والزوجة المضحية قوى بس المصيبة يا شباب أن الوضع اتقلب دلوقتى ولسه مش لقيت راجل بجد وبقيت مدققة قوى وأدينى عندى 33 سنة ولا جديد عموماً أنا هأبعت لبرايد قصص باقى عرسانى واحكموا أنتوا أنا صح ولا غلط
جيجى

2:41 AM  
Anonymous icehearted gurl said...

براااااااااااااااااااااايد

هيللللللللللب

عايزه ابعتلك ايميل ضروري يا دود ومش عايز يتبعت من ع البلوج هنا

اعمل ايه

1:36 PM  
Anonymous Anonymous said...

ياجييييييييييييييييييجى 33 سنة ومش لاقية راااجل فى مصر انتى كدة بتغلطى فينا كلنا بطلى شك بقى واتعلمى من الماضى اتعلمى بس مش تعملى حائط صد ضد الشباب
ككككككككل الشباب محتاجين مساعدة فى الظروف الهباب دى عشان يقدر يفتح بيت مع انسانة كويسة
ياريييت كل بنت شايفة انها غنية وتقدر تساعد ياريت تساعد طالما هتلاقى شاب كويس وبلاش بقى تفكر ان كل شاب محتاج مساهمة منها معاه عشان يعملوا بيت انه طمعان فيها وفى فلوس اهلها
والا هتقعدوا لحد ما يفوتكو متعة الحياة وساعتها الفلوس مش هتعملكو حاجة
انا رأيى ان الفلوس اما تصرفيها على بيتك مع انسان كويس احسن ما تصرفيها لوحدك وتقعدى تقولى مفيش جواز والشباب طماع وتعبان
وانا ضد ان البنت تصرف على راجل لكن لو احتاجت الظروف على ما يقف على رجليه انها تساهم فى مصروف البيت والجواز يكون احسن والا هتعدى 33 على 33 على 33 سنة وان شاء الله تبقى تتجوز فى الاخرة
الشاب صبرى

1:36 PM  
Anonymous Gigi said...

الأستاذ صبرى
أنت بنفسك قلت "شاب كويس" "لو الظروف احتاجت" لكن المشكلة أن الشاب بيتصور أن البنت اللى قربت من الثلاثين أو عدتهم لازم يبقى معاها حاجة فوق البيعة شقة مثلاً أو جهاز أكتر من المطلوب منها حاجة كده زى ما تقول تخليه يبلع سنها وكأنها كبسولة تقيلة على المعدة محتاجة ميه كتير
صدقنى لو كنت لقيت الشاب اللى يقولى هى دى كل امكانياتى والقرار ليكى كنت وافقت لكن كلهم جايين ومقررين أنا لازم أجيب إيه يعنى مش موضوع مشاركة لكن موضوع باراشوت زى أخينا البعيد وطبعاً من حكايتى واضح أنى مش تهمنى الفلوس وإلا ما كنتش عديت بالهبل اللى حصل لى وأنا مش بأقول إن مفيش رجالة لكن بأقول إن ما صادفنيش راجل كويس وأنا هأبعت لبرايد بقية حكاياتى واحكموا أنتم
تفتكر مفيش بنت فى الدنيا نفسها فى إنسان يحس بيها ويكون عندها أولاد؟
أنا مديرة قد الدنيا لكن بأتمنى أن يأخدوا الشغل والمرتب وكل حاجة ويدونى حياة أسرية سعيدة أنا بقيت أندم أنى اتعلمت وتفوقت فى دراستى وشغلى يمكن لو كنت إنسانة بسيطة كنت قدرت ألقى ناس كتير مناسبين حتى لو كانوا عاديين

10:51 PM  
Blogger حياتي قنبلة ذرية said...

حلوة عيش ندل تموت مستور دي

بس ايه الرجالة الناقصة دي

اصدي اللي وقعوا من الكشف اصلا و ارجع و اقولك الحمدلله انك اتعلمتي من الكارثة دي ولو انها سرقت اجمل سنين عمرك بس الواحد مش بيتعمل ببلاش

و جزاك الله خيرا انك حطيتها علشان باقي البنات يستفيدوا منها

11:39 PM  
Anonymous Anonymous said...

انا معاكى ان البنت لازمها زى اى
حد انها تعيش مرتاحة فى الدنيا دى والراحة اما انها تكون فى بيت اهلها لحد ماتموت او فى بيت جوزها ايهما اكتر راحة ليها يبقى هوا المكان المناسب اللى تقضى فيه باقى حياتها
بدل ما تقضيها فى المحاكم والفضايح
انا عندى نفس المشكلة ومش انا لوحدى لا
شباب كتيير يمكن الناس كلها شايفانى كويس شاب مقبول ومعقول لبناتهم من ناحية الاخلاق والرجولة
لكن رجولتى منعانى انى اتقدم لبنت واقعد وسط اهلها وانا مش جاهز لكل طلباتها ومش مستعد نفسيا انى احس بانى محرج ومش قادر انفذ طلب ممكن يطلبوه
لكن زى ما بتقولى العمر بيجرى واحلى ايام عمرنا بتهرب من ايدينا بسبب الفلوس
حتى لو فيه انسجام بين الاتنين
انا لسة شاب بس داخل على الاربعين برغم ان مش باين عليا
وجربت الخطوبة وسمعت منها احلى كلام من اللى بيسهل كل حاجة
اولها بحبك وتانيها اللى انت عاوزه هاته
بيتك وافرشه باللى يعجبك
وبعد ما اتجرأت واتقدمت هما اسبوعين حلوين وبعد كده بدأت هية تظهر على حقيقتها
وبرغم انى عندى بيتى ومش ساكن
لكن بدأ الكلام بقى والتأورة
يعنى ياحبيبى لو اخدنا شقة برة مش يكون احسن عشان الناس هتيجى تشوف العفش ولازم يكون فيه مكان واسع وكبير
يعنى اسيب بيتى واروح أخد شقة ب 500 جنيه فى الشهر غير ( المية والكهربا)
يعنى ياحبيبى لو جبت العفش من هنا هتجيبه بكام؟
ما احنا ممكن نروح نجيب من دمياط ومش هيفرق كتير
ماهو بنت خالتى جابت .................
وبنت عمتى جالها .........
وخطيب بنت خالى جاب لها .....................................
وبنت الجيران اتعملها ...............
وهكذا نفس الاسطوانة برغم انها كانت عارفة ظروفى كويس وبرغم انها مرت قبل كدة بتجربة خطوبة اربع سنين وسابته لانه بتاع امه ولانه بتاع امه علقها 4 سنين وسافر برة من غيما يسأل فيها ورجع خطب غيرها لان امه عاوزة كدة
وهية عايزة راجل
ولما جاها الراجل
عجزته عن انه يكمل لانها بتحب تتمنظر فى العيلة التعبانة اللى هية منها وكلهم كانوا م الارياف يعنى ناس بسيطة وفلاحين
بس كل خال عنده حتة ارض
وهية معندهاش اى حاجة الا انها حاسة انها حلوة بس بالمكياج
بس اللى حواليها محسيسنها انها حلوة وانها احلى بنت فى العيلة ومتعلمة وواخدة الليسانس
لكن مع الكلام دا كله
غيرة وعصبية وعاوزانى تحت امرها 24 ساعة فى اليوم
التليفون لازم من ساعة ما ادخل البيت لحد الصبح
الفاتورة كانت بتعدى 700 جنيه كل 3 شهور
ومش عاجب
كنت اروح ازورها مرة كل يوم خميس بعد المغرب واسهر معاها ومش عاجبها
لا
لازم تيجى من الضهر زى بنت الجيران
ياستى مينفعش كل بيت وله حرمه ولازم اراعى الناس اللى فى البيت
لما البيت يكون جاهز وكل واحد ياكل ويخلص ويروق البيت ابقى اجى
ياستى اناباكل فى بيتى بعد ما ارجع من شغلى واجيلك جاهز
لا مينفعهاش
حذرتها بالراحة مرة واتنين وعشرة عشان تعرف طبعى و هادى ومش باحب المشاكل
سنة كاملة على كدة
وحاجات كتيرة اضطريت اخرج من عندها بدون مشاكل ولا هية كانت تعرف قرارى وقررت اقلع الدبلة للابد وحلفت 100 يمين ماهى راجعة تانى
برغم انها كان عندها 30 سنة وخارجة من خطوبة تانية
ومع كدة مقدرتش اكمل معاها بطباعها دى
معلش طولت عليكى ياجيجى شوية
لكن انتو بطريقتكم دايما جايبين العيب فى الشباب
وانهم ما يستاهلوش يكونو رجالة صالحين للجواز او لفتح بيت

وانتو عارفين الناس بتعانى حتى عشان تجيب رغيف عيش
يبقى النهاردة ازاى اى شاب لا بيشتغل ولا عارف يعيش ولا عارف غير انه يحب بس
اخره كلمتين فى الجنينة
ازاى هيتجوز
والبنت عاوزة دهب وشبكة كبيرة وشقة كبيرة تلعب فيها جولف
وعفش احسن من بنات العيلة كلهم وهدايا كل ساعة
وحاجات تانية كتييييييييييييير انتو عارفين بقى

فى النهاية وفى الزمن اللى احنا فيه دا
دايما لازم تختارى ما بين حلين
يا اما تتجوزى راجل تعبان ماديا يادوب يجيب اكله بس ترتاحى معاه وتعيشى معاه اليوم بحلوه ومره
او تتجوزى الفلوس وتستغنى عن الراحة والشباب
واللى معاهم فلوس كتتتتتتتتتتتتتتتتتتتتييييييييييير اوى
لكن كلهم عدوا الستين واتجوزوا قبل كده وخلفوا ومحتاجين لبنت تسليهم باسم الجواز وتكون تحت التلاتين
واللى معداش الستين بيبقى بيتجوز بفلوس ابوه او امه وهما اللى بيحركوه بالريموت وبيختاروله يعنى بدون شخصية
انا عجبتنى منك اوى كلمة كتير بيتمنوها وياريت كل البنات تكون كدة
خدوا منى كل حاجة وادونى حياة اسرية مرتاحة ومناسبة
وعلى فكرة انا باشتغل محامى.... بس للغلابة
وباحترام الناس ليا
وطالما كلنا بنشتكى من عدم التوافق
ياريت نعمل حاجة هنا عن طريق برايد نوفق بيها كل اتنين قريبين من بعض وقابلين بعض للجواز
وناقشوا الاقتراح واللى عنده فكرة يقولها هنا
مع تحياتى وشكرى للجميع واعتذارى عن الاطالة
استاذ صبرى

6:41 AM  
Anonymous هبة الله said...

السلام عليكم
جيجي حقيقي انا اتاثرت قوي بحكايتك
مش عارفة اقولك ايه
بس انا حاسة بيكى قوى
وانا من يوم مااتخرجت وانا اكتشفت
ان مفيش حد بيتعلم ببلاش
معلش الثمن كان اعصابك واحلامك
بس لسة فية امل
واكيد بعد العسر لازم اليسر جاي
وخلى ظنك دايما خير
واكيد مع كل تاخيرة وفيها خيرة
انا عن نفسي بحاول اقنعنى بكدة
وربنا يرزقك بزوج صالح يعينك علي امر دينك ودنياك

7:50 AM  
Anonymous Anonymous said...

ccالسلام عليكم ورحمه الله وبركاته والله كلنا احزانا كتير اوي مع اختلاف نوعها بس المهم ازاي ننسي يارب تكوني نسيتي وتكون قصتك دي علي سبيل العظه وليس تقليب المواجع

3:41 PM  
Anonymous Gigi said...

يا جماعة أشكركم جداً على المساندة وأنا ما أنكرش إنى متأثرة من اللى حصل لىَ رغم مرور 15 سنة بس الحاجات دى بتأثر فى الواحد جامد ويا أستاذ صبرى معلش اللى عديت بيه بس صدقونى الشباب برضه ليهم دخل كبير فى إحباط البنت يعنى لما يكون الشاب فى الثلاثينات تلاقيه بيشترط تكون البنت فى أول العشرينات طيب والبنات اللى من سنه؟ ما لوش دعوة هو عاوز واحدة روشة رغم أنها أصغر منه بكتير وبيحصل حاجة من دول يا إما يلاقى بنت عاوزة تتجوز وخلاص وتوافق بيه رغم فارق السن وبعد الجواز يكتشف إنه إتجوز طفلة عاوزة تتفسح وتجرى وتأجل الإنجاب وغيرها من النقط اللى هو ما ينفعش فى سنه ده يوافق عليها يا إما ترفضه البنت ويفضل يلف لحد ما يوصل للأربعينات ويبدأ يدور على واحدة فى الثلاثينات طيب ما كان من الأول ليه دايماً الشباب عاوز يأخد واحدة هو أكبر منها بكتير؟
النتيجة تعاسة للكل لا بنت العشرين متفاهمة مع اللى أكبر منها ولا بنت الثلاثينات سعيدة مع اللى قدرت تلحق القطار بيه
يا جماعة لازم نعيد نظر فى أفكارنا مين قال إن البنت اللى كبرت خلاص ما تنفعش تكون أم ولا زوجة من أصله؟ كل واحد يبص فى بيته أكيد هيلاقى أخ أو أخت والدته أنجبته وهى كبيرة والدنيا ماشية
ده غير كلام غريب من الشباب والبنات كمان كله عاوز شكل ووسامة وخلونا صرحاء الشعب المصرى فيه كام شخص بمقياس الوسامة بتاع السينما؟ ده حتى دلوقت أبطال السينما شكلهم اتغير
أنا نفسى زمان كنت عاوزة حد شكله وسيم بس ده فى المراهقة
والله مرة واحدة قريبتى قالتى لى أنا أعرف واحد بيدور على عروسة بس مشترط تكون سمراء وأنتى يا حبيبتى خمرى!!!! بالذمة إيه الهبل ده؟ سمراء وبيضاء ورفيعة وملفوفة و.....إيه اللى إحنا فيه ده؟

1:32 AM  
Anonymous Anonymous said...

جى جى
هو انتى اللى كنتى مخطوبة لواحد اسمه ايمن ومن كام يوم الخطوبة اتفشكلت

6:39 AM  
Blogger mady said...

لا ماهر ماهراصلي يعني
هو كمان استغل ان سنك صغير
بس انت كده اول القصيده معاكي كان كفر
ربنا معاكي والله
واللي يعيش ياما يشوف
بقولك بالمناسبه مااكتشفتيش انه عنينه العسليه دي كانت لينس
اصلها حصلت والله
اسلوبك مميز وربنا يوفقك

7:42 AM  
Blogger $$Dado$$ said...

اسمحيلي يا جيجي اقول راي انا على فكرة قريبه من السن اللي انتي فوقتي من غيبوبة ابو عنين عسليه فيه .انت اللي غلطانه يعني انا استحاله كنت اعمل اللي انت عملتيه ده اصرف على واحد ليه ان شاء الله ما انا اهلى لسه بيصرفو عليه بالرغم من ان ناس التمسو ليكي العزر ان سنك كان صغير اعتقد ان في احساس فطرى عند الانسان يقول البني ادم اللي قدامه ده بيستغله و لا لأ.
انا عارفه اني كلامي بالنسبه ليكي متاخر بس ده لكل بنت بتقول اصرف على سبيل التضحيه في شعره ما بين التضحيه و التغفيل.
اما عن بادرة الاخ صبرى ف انا معاه ميه الميه في شباب و بنات كتييييييييير ولاد حلال مشكلتهم انهم بيقبلو الناس الغلط في العمر الغلط في المكان الغلط فياريت يكون بيت العرايس و العرسان هوه المكان الصح

1:11 PM  
Blogger مها said...

العزيزة جى جى
حكايتك المؤلمة مش جديدة وبتتكرر كتير مع قلة الخبرة من البنت بتثق فى الولد ثقة عمياء ومع غياب المصارحة مع الأهل مش بتلاقى حد يعوض قلة خبرتها بالنصيحة والتوجيه السليم.. وبالتالى بتتصدم لما تكتشف إنه شخص انتهازى وأنانى وندل
ويا ريت كل بنت تعرف إن أهلها أكتر ناس بيخافوا عليها وتستفيد من خبرتهم فى الحياة لما تختار الشخص اللى هترتبط بيه .. لأن الزواج مسألة مصيرية لا يمكن التعامل معها بشكل سطحى أو بعاطفة عمياء وساذجة


دمتم جميعاً فى سلام وحب وسعادة

3:09 PM  
Anonymous Gigi said...

هاى يا شباب
أنا معاكم كلكم إن دى كانت غلطة كبيرة وصحيح إن عدم استشارة الأهل سبب من الأسباب عشان كده أنا حبيت إن كل البنات تستفيد من الحكاية دى وتحرص وفعلاً مفيش حد يخاف عليكى قد اسرتك والعند معاهم من باب "أنا كبرت" مش هيوصل غير للندم
وأنا حكايتى جت على قد الفلوس لكن فيه بنت أعرفها حبت واحد منفصل عن مراته وفى طريقهم للطلاق وقعدت تحبه فوق الخمس سنين وبعد ما طلق مراته وراح خطبها قدام الدنيا كلها سابها قبل الخطوبة باسبوع بحجة إنه فقد الثقة فى الستات وتخيلوا بقى كان شكلها إيه والناس بتقول أن هى سبب الطلاق وخرابة بيوت وكل ده واستحملت وفى الآخر سابها هى كمان
وده تحذير تانى لكل بنت اوعى تسمحى لنفسك تحبى واحد متجوز أو على وش طلاق واعرفى إن أول الحدوتة دايما كلمة "أنا مش مبسوط فى بيتى" ولا إيه رأيكم يا جماعة؟

2:46 AM  
Blogger om yassein said...

ده انتي لو كني وفرتي الفلوس كان زمانك فاتحة كشك سجاير بحاله بس متزعليش الدنيا مالينه ناس كتير من عينة أبو سجارة دة خاصة أن عينيه عسلية و في من الصنف ده ناس بتبقى شايفة أنها كدة لقطة و محصلش قبل كده المهم سبينا من الماضي العفن هذا و لتنظري للحاضر و ليوفقك الله

3:11 AM  
Anonymous Anonymous said...

shofty deh a5ryt el 3yoon el 3asalya w el shabab el 2moor hwa fe 7aga esmaha shab amoor el walad el gameel dah mesh lel gwaz dah ttfargy 3leeh fel tv bas enama ttgwzeeh la2 mynf3sh.
mesh btoo3 gwaz aslhom da 3'er ennek bfard enekk etgwzteh hatmshe m3ah fel share3 100 w7da tbs 3leeh w ht3eshe 7yatek fee 5na2at w fad monaz3at :D
kwayes ennek fo2ty 3la 24 w btt3lgy l7ad 33 ya reet t5fy 2orayb b2a w rabna ydelek ibn el 7lal elle mesh byd5n aslan w azon dah akbar sabab y5leke tkrhe kol el rgala elle btd5n :D

5:42 AM  
Anonymous Anonymous said...

احتياج البنت للحب والجواز وكلام اللى حواليها انها مجرد ما يبان عليها انها كبرت واحلوت بقى كل اللى يعرفها بيعتبرها معروضة للجواز وان كل ماتمر سنة من غير ما حد يطلبها او تتجوز ان فيها عيب
وفى كل فرح لجارة من جارتهم او بنت قريبتهم
بيزيد عليها الضغط والكلام كتير فى الموضوع دا وبرايد كاتبة عنه كتير
فى الحالة دى البنت بتصدق اى شاب يقولها كلمتين حلوين او تعرف منه انه عاوز يتجوزها
بتصدق حتى لو كداب
لانها نفسها يكون صادق معاها ويعمل بكلامه
حتى لو متجوز او بيحب او مرتبط
لانها عاوزة تخرج من تحت الضغط
وكل بنت بتفضفض هنا حتى لو بالاساءة للشباب من عمايلهم هية مجرد فضفضة من الضغط عليها
يمكن عشان تهرب من انها تجيب عليها اللوم فى سبب تأخيرها فى الجواز
وانا مازلت باقول ويمكن انتو معايا بتقروا فى الجمهورية اعلانات الجواز
وكتيييييييييييير منها على مواقع النت وانا لااثق فيها
لكن انا مازلت باعرض اقتراحى انشاه بلوج للتعارف من خلال بيت العرايس والعرسان
وبدون اسامى او توضيح عن المعلومات الشخصية
كل بنت او كل شاب عنده الرغبة فى الارتباط الجاد بدون ما يتسلى بخلق الله لانه حرام
يبدأ او تبدأ تحط صفاتها وظروفها واستعدادتها سواء من ناحية المادة او المشاركة لفتح بيت جديد وكل انسة او شاب يقول اللى عنده واللى يتمناه فى شريك حياته بشكل واقعى
ياريت تقدموا اقتراحاتكم ازاى نظبط الموضوع دا بدون مشاكل لحد لان غرضه نبيل
وكل واحد يكتب منطقة اقامته لو فيه حد قريب منه غاوى فى الارتباط يبقى يتعرفو ولو عن طريق الايميلات وهما يقرروا يكملوا التعارف او لا
واللى عنده اقتراح يتقدم بيه
hellonow2@yahoo.com
دا ايميلى
مع تحياتى
استاذ صبرى

9:45 AM  
Anonymous Anonymous said...

أريد عريسا

هي / ه.ح القاهرة 30 سنة آنسة طبيبة علي خلق مرحة هادئة من أسرة محترمة ترغب في الاستقرار.
هو / لا يزيد علي 35 سنة أعزب طبيب مهندس طويل حسن المظهر علي خلق لديه شقة.
هي / ع.أ المرج 33 سنة آنسة مهندسة علي خلق بيضاء ملفوفة القوام من أسرة طيبة تشارك في الأثاث.
هو / لا يزيد علي 40 سنة أعزب جامعي طيب القلب هاديء طموح لديه شقة.
هي / ن.ش القاهرة 33 سنة آنسة محاسبة طيبة القلب بيضاء ملفوفة القوام حسنة المظهر ترغب في الاستقرار.
هو / سن مناسبة أعزب مؤهل عال طويل مقبول الشكل لديه شقة يقدس الحياة الزوجية.
هي / ع.أ شبرا 39 سنة آنسة محامية متوسطة الطول والجمال من أسرة طيبة لديها بعض الكماليات وتشارك في الأثاث.
هو / لا يزيد علي 45 سنة أعزب مؤهل عال متدين ميسور الحال لديه شقة.
هي / م.م العباسية 25 سنة آنسة مهندسة متوسطة الطول شخصية محترمة مرحة بيضاء من أسرة طيبة تشارك في الأثاث.
هو / سن مناسبة أعزب جامعي ميسور الحال متدين طموح علي خلق وسيم لديه شقة.
هي / أ.م عين شمس 27 سنة آنسة مؤهل متوسط موظفة علي خلق ملفوفة القوام ترغب في الاستقرار.
هو / لا يزيد علي 35 سنة أعزب مؤهل عال مركز محترم طويل علي خلق لديه شقة يقدس الحياة الزوجية.

أريد زوجة

هو / أ.م المنوفية 50 سنة مطلق بدون أولاد جامعي مركز محترم ميسور الحال حسن المظهر طويل علي خلق لديه شقة.
هي / سن مناسبة آنسة سيدة ولا تعول مؤهل عال علي قدر من الجمال متدينة من أسرة محترمة ترغب في الاستقرار.
هو / أ.ع امبابة 39 سنة أعزب مؤهل عال مركز مرموق طويل لا يدخن شخصية محترمة لديه شقة.
هي / لا تزيد علي 30 سنة آنسة مؤهل عال متوسط مقبولة الشكل خمرية جذابة أنيقة من أصل طيب ترغب في الاستقرار.
هو / أ.م طنطا 32 سنة أعزب أعمال حرة شخصية محترمة طويل مرح وسيم متدين لديه شقة.
هي / لا تزيد علي 25 سنة آنسة مؤهل متوسط ست بيت علي خلق طيبة القلب تشارك في الأثاث.
هو / س.ح القاهرة 37 سنة أعزب مؤهل عال متوسط الطول علي خلق لديه شقة.
هي / سن مناسبة آنسة جامعية علي قدر من الجمال متدينة من أسرة طيبة.
هو / أ.ع مرسي مطروح 40 سنة أعزب مؤهل عال « دراسات عليا حسن المظهر رياضي طويل مرح من أصل طيب لديه شقة وبها جميع الكماليات.
هي / سن مناسبة آنسة جامعية جميلة رشيقة هادئة متدينة ترغب في الاستقرار.
هو / م.م الدراسة 34 سنة أعزب موظف متدين وسيم طويل لا يدخن لديه شقة.
هي/ سن مناسبة آنسة مؤهل متوسط موظفة مقبولة الشكل حسنة المظهر من أسرة محترمة تشارك في الأثاث.
دى نماذج طلبات الجواز المنشورة فى الجمهورية النهاردة
شوفو سن الجواز والطلبات وسن البنات كام وطلبات الشباب ايه فى العروسة وسنها

5:38 PM  
Anonymous Gigi said...

هاى يا جماعة
الأستاذ صبرى عنده حق فى عدم الثقة فى مواقع الزواج اللى على النت وأنا عندى تجربة فى الموضوع ده هأبعتها لبرايد تنشرها
بالنسبة لإعلان الزواج المنشور فعلاً يموت من الضحك موضوع عنده شقة وموضوع تشارك فى الأثاث إلى حد ما مبلوع لكن موضوع بيضاء وخمرية وملفوفة القوام وطويل ده موضوع عجيب يعنى لو اللى عاوز واحدة بيضاء أو خمرية وشاف بنت كويسة بس مش بالألوان دى يضيعها عشان كده؟ ممكن يأخدها ويصبغها وخلاص؟
وشوفوا السن المطلوب؟
بالنسبة لموضوع التوافق من خلال بلوج برايد فالمشكلة تضمن منين يا أستاذ صبرى إن الناس تعرف وتفهم إن حرام التلاعب بالغير؟
عموماً لو حد عنده إقتراح يقوله

11:51 PM  
Anonymous Anonymous said...

سلام يابرايد
ليكى وحشة و مبروك على العالمية
ياجيجى يابنتى (و بنتى دى على أساس أكبر منك بيوم يعرف عنك بسنة) يعنى أنا أكبر منك بسنة واحدة بس و دى مسألة لازم تكون واضحة مادام الأستاذ صبرى حيجيب لنا عرسان ولا ايه؟
أولا فكرة الأستاذ صبرى لن تختلف عن باب الجمهورية المضحك الذى نشره و الدليل عليها القصة السابقة بمنتهى اللطف
فاكرين فيلم البنات عايزة ايه و الذى انتهى سامح الله كاتبيه الى أن البنات عايزة اللى يضحك عليها و يخدعها و أن الانسان الصادق الملتزم العفيف لا يمكن يعجب البنت حتى لو ادعت ان دى مبادءها
أو العدد اللا نهائى من الأفلام الذى يتخلى فيه المجتمع و الأهل عن البطل المظلوم و لا تقف بجواره و تخلص له الا (غادة الكاميليا) أو الراقصة الموجودة فى الفيلم ولولاها لما تمكن من الحياة
بالرغم أن الرسول حذر الشباب من (خضراء الدمن) الذى هو أرقى وصف ممكن للراقصة فى الفيلم الا أن السينيما ترسخ لعكس الصورة
لماذا أقول هذه الأشياء؟

لأن هذه الصورة التى ترسخت فى أذهاننا بدون وعى منا هى تحديدا اللى عملت فيكى و فى الأستاذ صبرى كده
ازاى؟ غير حقيقى انك ساذجة و أعتقد أنك على قدر كبير من الذكاء لكن المشكلة فى الصورة المسبقة
الوسيم دائما طيب و بطلة الفيلم دائما نقطة تحول فى حياة البطل لذلك انبهرت بالماهر من أول لحظة و بقيت تغيرين سيناريو الفيلم كل يوم مع الاحتفاظ بالنهاية التى كتبتها مسبقا و هذا جعلك تتغاضين عن الكثير من المنطقية فى الأحداث (راجعوا معظم أفلامنا العربية التى من الممكن أن تنتهى بعد خمس دقائق لو التفت أحد الأبطال و شاهد من بجواره أو خلفه أو نظر الى محدثه مباشرة بدون أن يعطيه ظهره)
أما بالنسبة للأستاذ صبرى فقد ذهب يختار واحدة (جميلة بالمكياج ) كما يقول كما لو ان أحدا فرض عليه ذلك مع ان من لا تضعن المكياج أكثر من واضعاته و أنا أحترم المحاولة لمدة سنة و أقدر له صبره لكن أن نطلق الأحكام جزافا و نقول أن البنات عايزة فلوس مش عايزة راجل أو العكس كلام فارغ
الرسول قال (من استطاع منك الباءة فليتزوج) يعنى الاستطاعة المادية شرط للزواج السليم و الاستطاعة مش معناها شبكة بابا يجيبها و فرح تستلف من طوب الأرض علشان تعمله فى شيراتون و بعدين تشحتوا علشان تسددوا ديونكم لأ الاستطاعة معناها بالبلدى(يقدر يفتح بيت)تعنى الاستمرارية مش الطلعة الاولانية زى ما بيقولوا
و تجربة شخصية عندنا فى البيت لما جه أخويا يتجوز و كان عايز يعمل فرحه فى نادى كان بيكلف وقتها 3000 جنيه بابا قاله يابنى دى كلها مظاهر فارغة و مهما كان الفرح مش حترضى كل الناس فيه نادى ثانى أصغر و أقل بهرجة ايجاره 400 جنيه اعمل الفرح فيه و خد الفرق و فسح عروستك بيه و اعملوا شهر عسل بصحيح و عموما القرار لك أنت و هى
و بالفعل عرض أخى الأمر على خطيبته التى هى زوجته الآن ووافقت
تعرفوا عملوا ايه بالباقى؟ راحو يحجزوا للغردقة شركة السياحة قالت لهم الميعاد بعد ميعاد الفرح باسبوعين لكن فيه حجز الغى فى آخر لحظة و ممكن يعملوا لهم تخفيض كبير لو أخدوا المكان فى فندق خمس نجوم فى مرسى مطروح لمدة اسبوع
فاذا علمتم اننا كنا فى شهر أغسطس أدركتم حجم الفرصة التى لم يكونا يحلمان بها
ما أريد قوله هو ما قاله الرسول (أعظم الزواج بركة أيسره مؤنة)
ليس المقصود الأرخص لكن الذى فيه يسر وتهاود و رحمة متبادلة
تحياتى

1:54 AM  
Anonymous Anonymous said...

بما أن عايزة أتجوز بلوج غير ديموفراطى لكن بيت العرايس و العرسان ديموقراطى و أقدر هنا ارد على أول كلام لبرايد و أقولها لأ يابرايد التعداد صحيح عدد الذكور مساوى أو يفوق عدد الاناث بس عدد الرجالة هو اللى قليل قوى و خايفة يجى اليوم و ينقرضوا
و القصة دى أكبر دليل و عدد العاهات آسفة العرسان اللى بيعدوا علينا دليل آخر

2:01 AM  
Anonymous Gigi said...

الصديقة اللى أكبر منى بسنة بصراحة عندك حق بشكل ما وهقولك إنى فعلاً اتأثرت بثقافة الأفلام الرومانسية وإزاى إن لازم البنت تقف جنب حبيبها بس المشكلة إن زمان كان الراجل راجل بجد وفى كل الأفلام تلاقى نتيجة تعبك خير ما كانش لسه الصنف اللى محسوب غلط على الرجولة ظهر
وكمان الظروف الخاصة بحياة كل بنت بتشكل طباعها ونفسيتها عشان كده صعب أى شخص يحكم على تجربة شخص تانى بدقة
وأنا بايدك بشدة إن فتح البيت باستمرار أهم كتير من الطلعة الأولى (الشبكة والفرح والمظاهر)

4:04 AM  
Anonymous Anonymous said...

ياريت كان بايدى كنت جبت عرسان لكل البنات لكن أنا عندى اقتراح مناسب للعصر اللى احنا فيه
اقترح على احد المستوردين الكبار انه زى ما بيسافر للصين يعمل فوانيس رمضان بالاغانى والشكل اللى عاوزينه هنا
يقترح عليهم يعملوا عرسان صينى بمواصفات متانة كويسة
حسب الطلب وياريت برضه يجيب لنا عرايس ملفوفة القوام بيضاء طويلة تقدس الحياة الزوجية من مصنع عريق فى الصين

كفاية هزار نتكلم جد بقى
يعنى انتو شايفين ايه الحل؟
البنات ولاد الناس موجودين فى مكان ما
والشباب ولاد الناس الرجالة بحق موجودين فى مكان ما برضه
ازاى نجمع او نقرب دول من دوكهما
كل واحد النهاردة عايش فى حالة وواخداه دوامة الحياة
الولد مش لاقى بنت قريبة منه مناسبة
والبنت مش لاقية شاب فى محيط سكنها او قرايبها او عملها يليق بيها وينسجم مع روحها وتقبل انه يتقفل عليهم باب واحد بامان واطمئنان
وفيه ازمة ثقة فى مواقع النت والجواز والجرايد
وازمة تدين وهوجة نصب فى كل حاجة فى البلد حتى فى العلاقات الشخصية والانسانية
هنسكت يعنى ونقعد كدة
طيب الشاب هيتصرف وهيلاقى بنات من نوع معين تغطى احتياجاته
لانه مش مضرور الا ضرر اخلاقى هيروح مع الايام
اما البنت بقى عشان تحافظ على نفسها
وتمارس حقها فى الحياة وتغطى احتياجاتها البيولوجية للامومة والجواز
هتعمل ايه
تنحرف ؟؟؟؟؟؟؟؟؟؟
هتسوء سمعتها
متنحرفش؟؟؟؟؟؟
هتطق تموت من التفكير ومطاردات العيلة والمعارف لها لانها لسة متجوزتش

طيب الشاب لو متجوزش فى الدنيا وحافظ على نفسه وصبر وصبر وصبر لحد ما يموت هيلاقى الحور العين فى الجنة براحته
والبنت ؟
محدش جاب سيرة رجالة خالص للبنات فى الجنة الا جوزها
طيب واللى متجوزتش هتلاقى شباب كتييييييييير
زى ما الشباب هيلاقى الحور العين؟؟؟
حد حكيم يدينا حل

استاذ صبرى الاربعاء 9/4/2008

10:34 AM  
Blogger مش عايز أتجوز said...

لن أدعي الحكمة بس هحاول أقول حل ..رغم إني مقتنع إن الجيل الموجود حالياً _ ومش عارف يوصل لمحطة الأرتباط وبناء عش الزوجية كما يقال _ أغلبه غير مؤهل لمرحلة زي دي لأن ببساطة لما دور الأسرة سقط من ذاكرة المجتمع في أغلبية أسرنا _ سواء للإنشغال أو التكاسل أو الجهل _ نتج عنه جيل مش قادر يتحمل المسئولية ..سواء مسئولية الأختيار أو مسئولية تكملة المشوار أو مسئولية تحمل دور كبير زي دور الزوج أو الزوجة ..وفي ناس كتير شخصيتها متأسسة بشكل مشوه أصلاً وشكل تلفزيوني بحت ومقصدش الأخت جيجي بتاتاً أنا بقصد جيل ستار أكاديمي والجيل اللي بيطلع مظاهرات عشان تامر حسني وكل المظاهر اللي بتبين إننا فعلاً بنرجع لورا مش بنتقدم فطبيعي في شئ أساسي زي الزواج هنرجع لورا مش هنتقدم
ومش هدعي إني عالم بكل شئ لكن من متابعتي لأبواب زي بريد الجمعة وأخواته بقيت متأكد من كده إن لقمة العيش والتعليم الواهي اللي بنينا علي أساسهم طريقة التربية مش هينتجوا إلا النماذج اللي بتسموها بالعاهات وبسميها بالضحايا
أعتقد إني أطلت في المقدمة
الحل يتمثل في إننا ندي فرصة لحد زي مثلاً المسئول عن بريد الجمعة أو أي شخص نتمثل فيه العقلانية يبقي مسئول عن مؤسسة أو جمعية _ مش هعرف أحدد أساس اختيار مجلس أدارة الجمعية لعدم وجود خبرة عندي _ لا تهدف للربح علي الإطلاق يكون هدفها أولاً جمع تبرعات سواء من رجال أعمال أو ناس عادية ربنا كرمهم بحل من عنده واستقروا في بيت سعيد ساعتها مش هيمانعوا يردوا النعمة دي في شكل مساعدة لغيرهم كتير كويسين محتاجين المساعدة المادية أو المعنوية في صورة تيسير التعارف بين راغبي الزواج :)
الجمعية دي هيكون هدفها برضه تستقبل طلبات الناس وتتعمل لها فرز فنخرج الناس المتمسكة بالشكليات من عينة سمراء وأبيض والكلام الفاضي ده
ويكون في زي مكتب مشكل من دكاترة جامعة أو أطباء نفسيين وأخصائيين اجتماعيين من الجنسين يبقي زي مستشار لراغبي الأرتباط في مرحلة التعارف..يعني مش يبقي الهدف بس التعارف..لأ الأشراف عليه لحد ما يوصلوا لبر الأمان
محتاجين بس حد يتبني الموضوع ده ويلح عليه في الإعلام زي مستشفي سرطان الأطفال واللي أعتقد إنه قيمته هتكون اعلي من قيمة المستشفي مع تقديري ليها كعمل عظيم لمسته بنفسي لما رحتها ..لكن الأكيد إن بناء مجتمع أغلب وحداته غير معرضة للعطب هو أسمي الأهداف

تحياتي ليكم وتمنياتي لكل الأخوة والأخوات بالتوفيق في مشوار البحث عن النص التاني
وأتمني أكون أفدت ولو محصلش إفادة فيكفيني أجر الأجتهاد :))

5:55 PM  
Blogger adam brown said...

Hi again, see tthis is the site i told you i signed up to. It has some nice information about how to make money using OPP, i think you might find it interesting. here it is. bye!

7:49 PM  
Anonymous Anonymous said...

بسم الله الرحمن الرحيم

بصوا يا جماعة خلونا نتكلم جد شوية...
زمان أيام الرسول صلى الله عليه و سلم مكانش فيه المشكلة دى. طب ليه بقى؟

عشان كنا مجتمع متماسك بمعنى ان الناس كانوا بيداوموا على زيارة بعض و كل واحد عارف جيرانه معرفة عميقة (مش صباح الخير يا جاري انت فى حالك و انا فى حالى) عشان كده كان فى ناس عارفين بعض دى فلانة قريبة الجيران و ده فلان صاحب معرفش مين شافها و هى بتزور قرايب بنت عم أخت جوز فلانة و هكذا

تانى حاجة المشكلة ان الناس بقت مهتمة بالشغل بشكل عجيب (بغض النظر ان فى ناس ميسورة الحال بتشتغل)
يعنى أعرف بنات بتقعد فى الشغل 12 ساعة و أقعد أقولها يا بنتى مش كل حاجة الشغل لازم يبقى ليكي حياتك تروحى جيم أو ملاجيء أو دروس دين أو حضرى ماجيستير يعنى لازم البنات بالذات يبقى لهم حياة غير شغلهم ده ان وجد

واحدة تانية أعرفها ما بتشتغلش و مامتها حتموت و تجوزها و برده قافلة على نفسها البيت. طب دى مين حيشوفها بقى؟؟ ما فيش غير جواز الصالونات اللى 70% من البنات مش عاوزينه.

طبعا أولا و أخيرا كل شىْ قسمة و نصيب بس الواحد برضه يا شباب لازم يسعى و لا ايه؟

أختكم فى الله,

ليلـــــــــى

10:17 PM  
Blogger ليلـــــــــــــــــــــــــــــى said...

أنا عملت account يا برايد عشان أبعتلك بعد كده :))))))))))

10:21 PM  
Anonymous gigi said...

هاى يا جماعة
الأخت ليلى معاها حق لأن مفيش حد حالياً يعرف حد والبنات والشباب مش فاضيين لأنهم فى الشغل أنا شخصياً يومى بيبدأ 6 صباحاً وينتهى 8 مساءً بس نعمل إيه؟ الشباب معذور مطلوب منه مليون حاجة ولو اشتغل يومين فى يوم واحد محتاج وقت طويل عشان يكون نفسه والبنات والله كمان دلوقتى ما هو لو بيت فيه أخت وأخ واحد الأسرة برضه هتجيب منين ؟ أنا طبعاً بأتكلم على الأغلبية اللى أسرها مستورة لأن طبعاً الأغنياء وضعهم تانى رغم أنهم بيتجوزوا بسهولة نسبية لكن بتكون جوزات مليانة مشاكل
المهم إيه الحل؟ أنا بصراحة مش بأحب جواز الصالونات بس فى النهاية هو فرصة التعارف اللى إلى حد ما تمنع التلاعب بالبنت لأنه فى وسط أهلها ولا إيه رأيكم؟
رأى الأخت "مش عاوزة أتجوز" جميل بس يا ترى مين من الدكاترة والمستشارين ممكن يتبرع بعمل تطوعى؟ ده كل المشروعات حتى التطوعى منها دخلها الفساد والمحسوبية

11:09 PM  
Blogger صوت فيروز said...

بصراحه مش عارفه اعلق اقول ايه ,,,,هو ندل و انت سماحتي لندلته انها تمارس قوتها عليكي ,,,بس فعلا عجبتني اوي
"عشان لسه مالقتش رجل " بصراحه جمله مفيده و في الخلاصه ,,,,ربنا معكي و ان شاء الله تلاقيه

12:36 AM  
Anonymous Anonymous said...

انا مع حل الاستاذ - مش عاوز اتجوز - برغم انى مش متفائل من اسمه- بخصوص انشاء جمعيات تيسير الزواج والتعارف
انا شخصيا عضو مجلس ادارة بقالى عشر سنين فى جمعية تنمية المجتمع فى بلدى
لانى مش من القاهرة
لكن جمعيات المدن الصغيرة والارياف بتعانى من عدم وجود رجال اعمال او تمويل للصرف على المشروعات دى لان الاحتياج للغذاء والكسوة والعلاج اكبر من الاحتياج لمصروفات الزواج او على الاقل له الاولوية الاولى
وفى الجمعية بنساعد البنات فقط لسد جزء من طلبات جوازهم وللبنات المعدومة مش الفقيرة بس لا
المعدومة اللى اتخطبت ومش قادرة تجيب شوية اطباق وشوية ملابس للجواز
لكن دا كله فى حدود ضيقة جدا لعدم وجود امكانيات زى ما قلت وعدم وجود رجال اعمال عندنا
لكن فكرة عمل جمعيات تيسير التعارف والزواج لو اخدت الشكل القانونى هتكون فكرة ممتازة
وانا لو كنت املك الامكانيات كنت بدأت بيها عندى واشهرت جمعية جديدة هدفها غير موجود بالفعل وليس لها مثيل فى المنطقة
باسم ( جمعية تيسير الزواج )
يكون من ضمن اهدافها
تيسير التعارف
المساعدة فى نفقات اتمام الزواج
متابعة المشاكل الاسرية وحلها بعد الزواج
نشر الثقافة الاسرية لتكوين اسرة مثالية
وسيتم اشهارها بمجرد اتمام الاجراءات تحت اشراف وزارة التضامن الاجتماعى لانها الجهة الادارية المسئولة عن الجمعيات الاهلية
وطبعا الجمعية لازمها مقر مناسب
وللتغلب على مشكلة المقر يمكن العمل من خلال جمعيات تنمية المجتمع كل واحد فى منطقته او الحى الخاص بيه
لكن كما قلت ستكون هناك مشكلة التمويل

واللى عنده اقتراح بخصوص التمويل يدينا حل
مع مراعاة ظروف كل منطقة لاننا اغلبنا من مناطق متوسطة
وكلمة للانسات اللى واخداهم دوامة الشغل من الفجر للمغرب
انتو بتستهلكوا نفسكم قبل ما تبدأوا حياتكم
ياريت يكون فيه نظرة لنفسكم شوية
وللبنات اللى قافلة على نفسها وقاعدة مستنية ابن الحلال باقولها
ابن الحلال موجود برة فى الشارع فى الشغل فى النادى فى المعارف
وعمره ما هيدخل اوضتك مع تردد شبكة الموبايل

مع تحياتى
استاذ صبرى

9:43 AM  
Blogger مش عايز أتجوز said...

gigi

ربنا يسامحك بقي أنا أخت برضه ؟

ما علينا ..أنا مش بقدم الحل لنفسي أنا حبيت أساعد ناس حسيت إنهم يستحقوا الأهتمام لأن النوايا الحسنة والكلام الجميل مش بيوصل لحاجة لازم يكون في فعل
وبلاش تحطي عقد في المنشار الفكرة لسه مبقتش واقع ولسه محدش اتحرك عشان ينفذها.. ومسألة دكاترة الجامعة أو أي حد محتاجاه الفكرة عشان تبقي واقع دي مسألة مش هتتحل من ورا شاشة أو كيبورد لكن عن طريق إعلامي يتبني الفكرة دي سواء صحفي في جريدة معروفة أو إعلامي في قناة محترمة

الأستاذ صبري عندك حق بس عندي تنويه لحضرتك ..مش عايز أتجوز دي قصة طويلة مش حابب أحكيها والأسم حطيته بس عشان لما أشترك في أي موضوع ميتفهمش إن رأيي بصفتي شاب بيدور علي عروسة وبيتكلم بناء علي مشاكله الخاصة أو وجهة نظره الضيقة المحدودة لكن أنا ممكن أتكلم عن أخويا أو صديقي أو أي حد أحس بمشكلته مش شرط أتكلم بناء علي رغبة في حل مشكلتي أنا بس
وحضرتك فعلاً صح في مسألة التمويل..حاولوا تبعتوا في نفس الوقت لصحفي زي المسئول عن بريد الجمعة في الأهرام أو المسئولة عن باب أريد حلاً في الأخبار لأن الأقتراح مش بس محتاج نية كويسة أو تصميم علي تحقيقه لأ محتاج حملة علاقات عامة من شخص قادر علي كده ومتحمس للأقتراح ويمكن يتبناه كمان بما إني مجرد حد مجهول وبقول كلام عشوائي مش مرتب فلو حضرتك أو أي حد يحاول يعرض الفكرة في رسايل أو في اتصال مباشر بصحفي أو إعلامي ويوضحها ويصمم علي توصيلها وساعتها أعتقد إنكم هتلاقوا تمويل ولو كان محدود في الأول فمع الوقت هيكبر..بالتوفيق :)

6:55 PM  
Anonymous Tamer M. Fawzy said...

وطلب منى وأنا جاية أجيب له "علبة سجاير"

وأثبت أصلى بداية من علبة السجاير لحد مصروف جيبه مروراً بالهدوم والبرفانات وساندوتشات الكلية


مش محتاجة حاجة تخدى فلوس أنتى يا ما أديتينى
وطلع لى 50 جنيه وهو بيسألنى
صحيح أنتى ليه مش أتجوزتى لحد دلوقتى؟
_________________________________

ما تتخيليش انا اتعصبت قد ايه و انا باقرا الكلمتين دول
ده مش بس مش راجل , ده كمان نصاب و ... مش عايز أطلق لساني أكتر من كده
حقيقي انسان حقير

ربنا يوفقك لراجل بجد
قلتها في البوست اللي فات , و لقيتني باقولها دلوقت

1:58 AM  
Blogger simple girl.. ..simple dream said...

يابنتى قطعتى قلبى
بجد صدمة الحب الاول بتكون قاسية جدا

عندك حق فى نصيحتك للبنات
فعلا فى الزمن عيش ندل تموت مستور

3:43 AM  
Anonymous Anonymous said...

انا مش عارف انتو بتجيبوا الامثال دى منين بتاعة عيش ندل تموت مستور ولا مسطول
امثال بتصيبنى بالاشمئزاز
اتمنى ان الانسات يدخلوا يشاركونا أى فى موضوع التعارف
ازاى ممكن نجمع راسين فى الحلال
من غير ما يقولوا علينا خاطبة
برغم ان المجتمع فى اشد الحاجة النهاردة للخاطبة
ووجود الخاطبة زمان كان عشان البنات كانت ملازمة البيوت ومفيش حد يعرف بعضه
والنهاردة برضه البيوت هية اللى بعدت ومفيش مجال للتعارف من داخل البيوت
يعنى خاطبة زمان مطلوبة النهاردة اكتر من زمان
لانها هتكون عارفة كل حاجة عن الطرفين وبدون خداع
وعلى ما ننفذ فكرة جمعية تيسيلر الزواج مع اى باب من الجرايد
انا اقترح نفتح هنا بلوج للخاطبة
هدفه ان حد محل ثقة يجمع بيانات هو لوحده بس توصله عن طريق الايميل
واللى يلاقيهم مناسبين لظروف بعض يعرفهم يشورهم لو وافقو يبقى يعرفهم على بعض
وربنا يسهل وتمشى الحكاية


وياريت تدونا اراءكم فى الموضوع وازاى ننفذه

الموضوع التانى اقترح على جيجى انها تنزل بقيت حكايتها هنا على شكل التعليق مع التعليقات بدل مانشغل برايد على المدونة برة لانها فعلا مشغوووووووووووولة فى التصوير والمقابلات ومش فاضية حتى ترد
ردى يا انسة جيجى
ولو موافقة ابدئى نزلى كل اسبوع قصة والتعليق عليها يكون خلال الاسبوع واحنا معاكى
استاذ صبرى

2:40 PM  
Anonymous gigi said...

أستاذ "مش عايز أتجوز" أنا آسفة جداً ما قصدتش والله أصلى بأكتب لكم من الشغل فدايماً أكتب بسرعة آسفة مرة تانية
بالنسبة للإقتراح بتأسيس جمعية تساهم فى حل المشكلة أنا معاكم بس لازم تلاقوا أسلوب أكيد يضمن الجدية وعدم التلاعب بالبنات عشان هما مش ناقصين والله يا جماعة احنا مش زى الأفلام العربى القديمة اللى بتصور البنت الكبيرة على إنها هتموت وتتجوز إحنا بس نفسنا نكون أسرة ويكون عندنا أطفال يعنى نقوم بدورنا فى الحياة اللى اتخلقنا عشانه

بالنسبة لبرايد معلش يا جماعة اعذروها دى من المحلة وأكيد كلكم عارفين الظروف السيئة اللى بتمر بيها مدينتها دى ممكن تكون مش عارفة أصلاً تدخل البلوج لأن الكهرباء كانت مقطوعة وأنا عموما بعت لها من أسبوع حكاية العريس التانى

أشكر كل اللى بيتمنوا لى التوفيق وإنى ألقى راجل بجد ويا ريت تزودوا جرعة الدعاء شوية عشان أنا هاجرت من مصر يعنى نسبة الرجال المصريين قدامى بسيطة جداً

11:37 PM  
Blogger مش عايز أتجوز said...

حصل خير :)
أنا كمان ناوي أهاجر بس لسه شوية + إني خارج قائمة الأختيارات فحظك وحش بقي تتعوض :)))
ربنا يوفقكم كلكم :)

4:32 AM  
Blogger مفقوعة مرارتي من حماتــــــــــــي said...

ياخرااااااااابيس ... هو فيه كدة سوري في اللفظ ده نطع ... سوري تاني انا مش لاقية كلمة غير دي ... معلهش ياختي فيه رجالة ماتسواش
ربنا يرزقك باللي يسعدك

12:43 PM  
Blogger كلمات الصمت said...

بجد يا جيجى انا مش مصدقه نفسى مش من طلبه للسجاير من موافقتك على انك تجبيها اصلا
ام عن الاسلوب فى الكتابه شكلك متابعه افلام ابيض واسود كتييييييييييييير

3:05 PM  
Anonymous Anonymous said...

يعنى ياست جيجى بتكلمينا من الخارج بعد ما يبتى الجمل بما حمل وهاجرتى
يعنى مشكلتك بقت مشكلتين
الغربة وعدم وجود فرصة للاختيار وعمر بيفوت وشغل واخدك زى الطاحونة
اللـــــــــــــــه
يكون فى عونك وترجعى بالسلامة
ويهديكى لانسان يعرف قيمتك
ربنا يعوض بيه الانتظار
وياريت يكون مش بيدخن
لانه لو بيدخن ونسى يشترى سجاير وهو جاى وكلمك ع التليفون وقالك هاتى لى علبة سجاير وانتى جاية

هتبقى ليلته بيضة

وعلى فكرة اما تنزلى اجازة شوفى انسان كويس هنا واتخطبى واعمليله عقد وخديه معاكى وريحى نفسك لانك مش هتوافقى ترجعى وتسيبى شغلك ولا هتقدرى تقضى بقيت حياتك برة وانتى متجوزة
يعنى عازبة قبل الجواز وبعده

فكرى كويس والصيف جاى وانزلى وبلاش كلمة هاجرت دى لانها كلمة صعبة ع المصريين
اللى بيحبو مصر بفولها وطعميتها و ملوخيتها

واذا قابلتك بنت رقيقة وبيضا وشعرها اصفر طبيعى وعنيها عسلى ابقى قوليلى
استاذ صبرى

10:47 AM  
Blogger ahmedzakaria said...

انا قطعت الخلف

1:59 PM  
Blogger مش عايز أتجوز said...

هممم أستاذ صبري أكيد بتهزر
ناقص تقول مقاس صوابع رجل البنت المطلوبة :)
يا أخي في الله العملية كلها قبول ولو حطينا البني ادمين علي الفرازة محدش هيقرب من حد أصلاً :) خد بالك من دي بس
تحياتي
وعقبال ما أتغرب أنا كمان
ونسيب مصر لخوفنا وضعفنا وجبننا ولقصر العروبة وسكانه ولجنة سياساته ويجعله عامر

3:04 PM  
Anonymous Anonymous said...

حسبي الله ونعم الوكيل

البني ادم دا بجد والله عار علي الرجاله لانه ينتمي اليهم بالرغم اني بكرههم اووي ومفقوعه منهم لان معظم وبقول معظمهم معندوش احساس
المهم يا بنتي ربنا يرزقك بابن الحلال وفعلا اللي عند ربنا كتير والحمد لله انها جت علي قد الفلوس بس

ااما بلانسبه لموضوع بلوج الخاطبه اعتقد يا استاذ صبري ان اي شئ استحاله يكون زي التعامل المباشر والشخصي بس في تجارب من خلال النت نجحت ونظرا لتزايد الاعداد فدي فكره كويسه بس اعتقد ان البلوج دا محتاج اكتر من شخص
يعني علي الاقل اتنين عنصر رجالي وعنصر زكوري ويكون من الطرفين دول والاطراف المشاركه كلام وكده علشان نتاكد برده من جديتهم وميكنوش بيبلعبوا وبس
وربنا يوفقك فقره جامده ولو اتنفذت يا استاذ صبري هتبقي حلو وشئ جميل ربنا يوفقك

4:30 PM  
Anonymous Anonymous said...

شفت اثروي علي تفكيري ازاي اقصد عنصر رجالي وعنصر حريمي


ويارب كل الناس تلاقي نصهاالتاني

والناس كلها تعيش في سعاده

4:32 PM  
Anonymous gigi said...

هاى يا شباب
فعلاً رغم النظافة والنظام وناطحات السحاب اللى هنا بس مصر بلد فيها ناس بقلب ومشاعر الحياة هنا عاملة زى سنومان تمثال شكله حلو بس صنم مبتسم صحيح بس تلج تصدقوا معايا ناس فى الشغل سايبين أطفالهم فى بلادهم الأصلية عشان يدخروا الفلوس بدل ما يصرفوها على ولادهم هنا ويقولك لو جبتهم هأصرف كل الفلوس عليهم بالذمة يا عالم دى ناس تستاهل تجوز وتخلف؟
ربنا يكون فى عون مصر بتاع المصريين مش بتاع الأغنياء

يا ريت ألقى يا أستاذ صبرى واحد كويس أرتبط بيه وصدقونى لو قلت ما عنديش مانع أرجع مصر ومليون طظ فى الشغل
موضوع أجيب له عقد دى مفيش مشكلة فيها بس المهم يكون مش هيتجوزنى عشان أجيب له عقد اصلها حصلت والله معايا فى واحد من عرسانى هأبقى أحكى لكم عليه لما ربنا برجع لنا برايد بالسلامة

10:02 PM  
Blogger isra2jack said...

قصة واقعية جداً
بس انا رأيي
إن نص الرجاله راحوا فى النكسة 1967
و النص التاني لااح فى حرب أكتوبر 1973
و فضل 6 رجاله راحو فى زلزال 1992

يا رب إرحمنااااااااااااااااا

2:19 PM  
Blogger Miso soup said...

صدقيني يا جيجي لو رجعتي مصر و عشتي التلوث و الغش و النصب و الفساد هتقولي طظ و مليون طظ في المشاعر اللي بالشكل ده. و بعدين الواحد مش بيعيش بمشاعر و بس فين قيم العمل و الانتاج ده مهم جدا في الحياة (علي الاقل بالنسبة ليا) و بعدين ان كان علي المشاعر فالواحد لو بره مصر و معاه شريك حياته اللي بيحبه و اللي بيكون صديق له مش مجرد زوج او زوجه فده هو الدنيا كلها .. و يا ستي لما مشاعره تتعبه شويه ينزل ياخدله اجازه لمصر اسبوعين تلاته يعبي مشاعر و حاجات من اللي انا قلتها فوق و يرجع علي البلد التانيه يحمد ربنا و يبوس ايده وش و ظهر ان ربنا نجاه
ربنا يوفقك و تلاقي رفيق روحك اللي بتتمنيه

3:28 PM  
Blogger one of the puzzled people said...

ايه الانسان ده....
مصروف وسجائر طول المدة دي.....
بس عجبني كثير ردك لمل قابلتيه بعد كده..

اسلوبك في الكتابة جميل جدا ...

وحلوه الحكمة دي لازم كل البنات يطبقوها "عيش نذل تموت مستور "

7:23 AM  
Blogger مصري بالغربة said...

This comment has been removed by a blog administrator.

10:24 AM  
Blogger مصري بالغربة said...

This comment has been removed by a blog administrator.

10:25 AM  
Anonymous Anonymous said...

This comment has been removed by a blog administrator.

10:25 AM  
Blogger مصري بالغربة said...

This comment has been removed by the author.

10:27 AM  
Anonymous Anonymous said...

This comment has been removed by a blog administrator.

10:28 AM  
Anonymous Anonymous said...

This comment has been removed by a blog administrator.

10:29 AM  
Anonymous Anonymous said...

This comment has been removed by a blog administrator.

10:29 AM  
Blogger Miso soup said...

This comment has been removed by the author.

10:59 AM  
Anonymous Anonymous said...

to anonymos dah..ely betetkalem 3anha deah ensana nag7a w mo7tarama w 3akleyetha gamda awy..w ya seedy mesh 3agabak el blog matd7'lsh w te2rah w tet7efna b ara2ak el gamda deah...bezemma mesh maksoof mn kalamak da? wala ymkn b tsally nafsak fe 3'orbetak...
7aga sa3ba..mesh keda ya3ny tegara7 fe banat el nas el mo7tarama?

3:18 PM  
Anonymous Anonymous said...

الاخ العزيز ( مصرى بالغربة)

ابقى خلى بالك وانت بتكتب تانى
وبالراحة و سمى وانت داخل البلوج
لانك دخلت برجلك الشمال
فدخلت غلط عندنا
هنا للتعليق على رسالة علبة سجاير
وليس على مدونة عايزة اتجوز برايد
والدكتورة برايد صاحبة المدونة انسانة جديرة بالتقدير ولاحترام لانها رافضة تبيع نفسها لاى واحد يدفع باسم الجواز
وياريتها توافق تتجوز اى واحد فينا شىء يشرفنا لانها بنت بلد وجدعة وواعية
والهدف من مدونتها زى ما قالته لو كنت دخلت البلوج برجلك اليمين وقريت كويس هو
انها مش محتاجة تتجوز ولا بتدور على عريس
هية بتقول من حقها انها تختار انسان يفهم مشاعرها وتقدر تعيش معاه بانسجام
انسان يكون فعلا وقولا انسان
وهية هتستنى لحد ما تلاقى انسان يستاهل انها تكون ام اولاده
وهى مجرد رسالة بتعبر بيها عن عدد كبير من البنات المثقفة الواعية لقيمة الجواز وضرورة الاختيار الصح
وانت زى ما قلت مصرى بالغربة وكلامك صح لانك فعلا حسستنى بانك غريب عن مصر وطباع مصر
لان طول عمر البنت المصرية عزيزة على نفسها وعلى اهلها
واذا كنت غير قادر وانت بالغربة عن رد اعتبار اى بنت مصرية بعد اللى بنشوفه على الموبايلات من بنات برة وفضايحهم على السراير
يبقى انت تستاهل تاخد على دماغك من كل من هب ودب

وابقى خلى بالك وانت بتتكلم فى البلوج لان الشريط بيسف منك ويعيد الكلام

مع اعتذارى للشباب والانسات بالبلوج عن خروج فى ردى على الاخ
لانه نرفزنى
وانا المحامى وكان لازم ارد اعتبار برايد واخواتها

مع تحياتى
استاذ صبرى

3:45 PM  
Blogger المستنصر بالله said...

عجبنى اوى البوست والاسلوب تحياتى

3:28 AM  
Anonymous Anonymous said...

يا سيادة المصرى الغريب أو بالغربة زى ماتحب
برايد عايزة تتجوز أى حد و بسرعة علشان تبقى عروسة و تلبس فستان و تغيظ قصدى تفرح صاحباتها بس مشكلة برايد انها مضطرة تأخذ موافقة الدكتورة غادة وهى دى بقى اللى صعب حبتين آل ايه يا أخويا بتفكر بعد الفرح و الفستان و الكلام ده كله حيتبقى ايه؟ يا ترى راجل تقدر تعتمد عليه فى أى ظرف ممكن يقابلها ممكن تحكيله و تشكيله و يفهمها ممكن تديله عمرها و قلبها و تحس ان ده أقل من اللى يستاهله
و لا يطلع من العينات المنشورة هنا و تبقى المصيبة انها اتدبست فيه للأبد؟
و زى ما انت شايف كلام غادة فيه منطق يخلى برايد تسمع كلامها حتى لو وقفت فى الطابور أو رحبت بطنط حشرية فى الآخر لا يصح الا الصحيح و غادة هى اللى صح و علشان كده برايد بتسمع كلامها
لو كنت قريت البلوج تبقى فهمت كلامى و اذا كنت لم تقرأه أنصحك تقرأ

1:11 PM  
Blogger its all amess said...

انا مش عارفه اقول ايه انت بجد زي العسل وحاسه انك زيي انا وشلتي بتتكلمي زينابالظبط وياما قابلنا مواقف زي كده

2:15 PM  
Blogger its all amess said...

انا مش عارفه اقول ايه انت بجد زي العسل وحاسه انك زيي انا وشلتي بتتكلمي زينابالظبط وياما قابلنا مواقف زي كده

2:19 PM  
Anonymous Anonymous said...

f3lan kalamko sa7..mmomken ykoon sahl en el bent tela2y wa7ed tetgawezo bas mesh sahl abadan enaha tela2y 7ad tasek feeh eno hay7afez 3aleha w yekremha...mn el wade7 en 3ayennat el resala deah ba2et el a3'labeya fe haza al zaman al sa3b...

2:28 PM  
Anonymous Anonymous said...

يااااااه سجاير وفلوس وهدوم وبنت جميله 4 سنين ايه الواد ابن المحظوظه ده (علي فكره أنا مش مرتبط الأربع سنين اللي جايين فكري وقوليلي يه رأيك بس علي فكره أنا غير مدخن)

12:00 PM  
Blogger It's never too late said...

بسم الله والحمد لله
الموضوع جميل جدا من البداية
وعلي فكرة الحكاية دي متكررة باشكال كتيرة
انا اعرف واحدة من اعدادي كانت تعرف ولد برده وكانوا بيحبوا بعض
وكانت بتبيع الدهب بتاعها عشانه وتقول لاهلها انه ضاع
مرة خاتم مرة سلسلة
وطبعا المصروف والسجاير دي حاجة اساسية
سنين طويلة لحد ما اتخرج لانهم كانوا جيران
وفاتت الايام والاخ مشتغلش
والبنت جالها عريس اتخطبت
وفسخت واتخطبت
وفسخت واتخطب
تلات مرات
لان اسرتها كانت عايزة واحد برستيج وبيقبض كتير
وشاء القدر ان الولد يشتغل في شركة كويسة بمرتب كبير
واتقدم للبنت وخطبها
طبعا مش هي دي القاعدة
دي الاستثناء انه يخطبها
بس حبيت اقول ان النماذج في المجتمع لا تنتهي
وبجدد اعجابي بالموضوع
وهكون زائرة دائمة ان شاء الله

6:27 AM  
Blogger ROMANTIC ROSE said...

علي فكرة .. قضيت ف حياتي سنتين تقريبا كنت زيك كده .. بس انا اللي لفتني له كانت وسامته الرجولية الجبارة .. طول و عرض و فكر و منطق .. لكن هقولك حاجه و ما تضحكيش .. عمره كان 35 سنة و مش بيشتغل و كنت شغالة بنك برضه !!! ده احنا شوية بنات في قمة العبط .. بس الحمد لله ربنا معوض مخلف يا بنتي .. احتسبي عند ربنا .. و هو اكيد هيعوض عليكي بالراجل الحقيقي مش من البلاستيك المزوق اللي مغرقين السوق .. تحياتي علي البوست المميز .. شكلك كده هتنافسي برايد :)

5:18 PM  
Blogger Ema said...

أسلوبك سهل وبسيط ويدخل إلى النفس سريعا,وحكاياتك كلها من الواقع الأليم ربنا يوفقك وياريت تشرفيني بالزياره.

9:46 PM  
Blogger emos said...

ashofooooooooooooooooooooo
rabena yesam7o begad
kefaya elly daya3o men 3omrek
bs 2aktar 7aga 3agabetny radek 3aleh lamma shofteh
"lessa mala2etsh ragel"
rad gamed begad ra3'm en ana mota2akeda enno ma2asarsh feh 7'ales w mesh hay2asar
rabena yerzo2ek ya rab belly yestahlek
w isa yekoon mabeyda7'ansh

12:45 AM  
Blogger totaa said...

أسوبك حلو أوى
ومتهيألى كده بعد النظر فى حواديت البلوج ده أن كل أسلوب حلو نابع من معاناه
وفى حالتك السجاير طبعا
شكرا على قصتك

10:21 AM  
Anonymous Anonymous said...

ياااااااااااه
طب مالها السجاير الفرط يعني؟؟
:D:D:D:D:D:D


على فكره أنا عايز أسأل سؤال لبؤايد بره الموضوع .. ازاي أبعت بوست أحكى فيه قصتى ؟؟

12:00 AM  
Blogger Rana said...

على قد ما ضحكت في اول حكايتك على قد ما وجعتني قوي بعد كدة
اوعي تندمي على انك حسيتي بالحب واوعي تزعلي انك كنت وقتها طيبة ونقيه بالعكس لازم تفرحي انك مش زيه
وانت الكسبانة في الآخر
عجبني قوي ردك عليه لما اتقابلتوا آخر مرة :)

1:00 AM  
Blogger Baha'i Family - اسرة بهائية said...

اولا احييك على مدونتك الجميلة
ثانيا : انت تكلمت بلسان حال فتيات كثيرات (فلقد تزوجت وانا فى28 سنة)و
واتمنى ان ارى اليوم الذى تتغير فيه نظرة المجتمع للمرأة فلا تكون فقط من ناحية انسة ولا مدام!!!! بل تكون من ناحية تفكيرها وتعليمها واخلاقها و...الخ

طبعا قصتك مؤثرة وكثيرين يستغلون لهفة الفتاة على الزواج (نتيجة لضغط المجتمع) ويخدعوهن فمنهم من يستغلها فى الصرف عليه كالحالة التى ذكرتها ومنهم من يستغلها للفسحة والروشنة وهناك من يستغل استغلال ابشع لو كانت الفتاة ساذجة
ربنا يحمى الجميع
شكرا لك وربنا يسعدك، وتأكدى انك لست مطالبه بان تبررى لماذا لم تتزوجى الى الآن فهذا شأن لا يخص احد ،كما ان الزواج ليس الهدف الاوحد للمرأة فى الحياة!!؟؟!!؟؟

8:17 AM  
Blogger أنـا الـبـحـــــر said...

لا حول ولا قوة الا بالله .. الله يخرب بيت السجاير اللى مخسرة الناس ناس بعضها دى
:D

12:37 AM  
Blogger إنـســـانـة said...

ياااااااااااه .. هو فى ناس كدة؟.

مش بيتكسف من نفسه وهو بيطلب فلوس من البنات؟؟؟

لا حول ولا قوة الا بالله .. بس بصراحة وماتزعليش منى يا جيجى العيب مش فيه العيب فى البنات اللى بيدوله

بس فعلا المضمون وصل .. الراجل مش بشكله ووسامته خالص .. الرجولة موقف واخلاق واحترام وحاجات كتيرة اوى

تحياتى وربنا يرزقك بالزوج الصالح يا جيجى ويا برايد ويا كل البنات يارب ..اللهم آمين

12:41 AM  
Anonymous Hisham said...

ولا عزاء للرجال

كلنا غلابى وحياتك

زوري مدونتي الخطيره وتعلمي كيف ان قلة الشغل )الفراغ( بيعلم التطريز

http://future-tv-superstar.blogspot.com

6:53 AM  
Blogger عاشقة الحب said...

شكرا على الموضوع
ان شاء الله هتعلم منه

تحياني

12:52 AM  
Anonymous Anonymous said...

يعنى اغيب أغيب ولسة مفيش حل
أنا عاوز اتجوز بنوتة من اسكندرية
ناعمة عليا وقوية ع الناس كلها
تكون نفسها تعيش
تكون نفسها يكون لها راجل تحبه اوى ويحبها اكتر
نساعد بعض ونفتح بيت
ببساطة وبدون تكاليف زايدة
مش عشان أنا بخيل لا
لان امكانياتى كدة
تكون جميلة جمال اسكندرية ورقيقة رقة نسيم البحر بالليل ع الكورنيش
وياريت بسرعة عاوزين نلحق الصيف وايامه
استاذ صبرى

4:49 PM  
Anonymous دخل الشتا said...

مدونتك رائعة بحق ، أعد بالمتابعة وأنتظر تشريفك دخل الشتا

9:35 PM  
Blogger radwa said...

سبحان الله
كأنى بقرأ قصة صاحبتي

بس مش مع زميلها

مع ابن الجيران

بس ماكانش فى سجاير
كان فى فطار يروحله لحد عنده فى الشغل
وعصير
وبيبسي
اصله بيتعب موووووت فى الشغل

وفى الاخر يطلع خاطب اصلا من فتره
وال ايه مش قادر يقولها
خايف على احساسها

ولا حول ولا قوة الا بالله العلى العظيم

6:09 PM  
Blogger صمت المكان * صخب الكلام said...

بجد اسلوبك شيق فى جذب القاريء
جعلنى اتمنى ان اجد الوقت لقراءة كل اعمالك بالتوفيق

4:24 AM  
Blogger السعادة said...

تدوينة ظريفة جدا
ليست المشكلة في انتهازيته ,المشكلة في عدم احترامه لمشاعرك
وطبعا هذا نتيجة الإعلام الذي رسخ في أذهاننا مسألة الحب قبل الزواج
والصواب _في رأيي-هو وجود الحد الأدنى من التفاهم والاحترام بين الخاطب ومخظوبته الذي يكفل لهما ما هو أكبر وأفضل في حياتهما علاوة على الحب
وأقول للأستاذ صبري:
سئل الشيخ ابن عثيمين:هل للمرأة في الجنة أزواج كالحور العين للرجال
فأجاب بما معناه
يقول الله في كتابه الكريم(ولكم فيها ما تشتهي أنفسكم) ويقول(وفيها ما تشتهيه الأنفس)
فلو اشتهت المرأة ذلك فما الذي يمنع
والله أعلم
أخيرا أعتقد جيجي أن ردك عليه يعوضك حوالي سنتين ونص
لأن الشوطة بتاعتك كانت سن
ودمتم بخير
عازب

12:15 PM  
Blogger ستات موجوعة said...

انسان اقل ما يقال عنه انه وضيع

ربنا يعوضك خير

12:46 AM  
Blogger جميما said...

أعزائى البنات والشباب
وحشتونى جداَ وأشكر كل اللى أهتم بالتعليق وسامحونى غبت عليكم كتير بس بعيد عنكم عندى إكتئاب بسبب عريس جديد جاب لى الضغط والحمد لله زحلقته هأحاول عن قريب إنى أبعت حكايته لبرايد يمكن تنشرها بس ساعتها كل واحد يحط جنبه دوا الضغط أنا حذرتكم وغير مسئولة عن العواقب
أشوفكم قريب
جيجى

10:46 PM  
Blogger aliaa said...

YA jiji ana 3ndi 23dtekad eno kol wahid byt2zai 2d ma bysmah ll nas eno y2zo ,,enti tayba shwyteen zyada bel2dafa ela t2seer brad bitt allawlabi eli ma7'lkesh ta7'di balek mn 2st3'lalo lek mn 2wl mara 23to m3a b3de ,3la 3y hal 2ked di tgrba hatfedek w tfdna kolna nahn m3shr el banat

1:06 PM  
Blogger بليغ حمدى said...

بصراحة اسلوبك جميل فى الكتابة
وعلى العموم احنا معشر الرجال
هانموت ونتجوز هههههههههههه
وعلى العموم انا عشمى فى ربنا كبير البس دبل قبل ما موت

2:43 PM  
Blogger واحد مخنوق said...

شيئ جميل الحقيقة .....طب ما نلاقيش منك اتنين تلاتة كدة في الظروف الصعبة دي

1:58 PM  
Blogger Aristotlle said...

عيش ندل تموت مستور
دي حاجه زي الفل اسلوبك رائع فعلا بس فعلا هتلاقيها مهما كانت صدمه جامده جدا
يالا حصل خير بس البنت اذا استنت فتى احلامها هتستنى كتير
مش كده ولا ايه؟؟؟؟؟؟

6:56 AM  
Anonymous Anonymous said...

في البدايه احب اهنيكي ع اسلوبك الحلو قبل ما اعزيكي ع التجربه دي يا جيجي بس لسه فيه رجاله كده ممكن يطلب ويعيش ويشرب سجاير بفلوس غيره اللي انت وقعتي معاه ده مش رجل بس العيب عليكي ازاي تقعدي 4 سنين متعرفيش الشخص ده طبيعته او بيفكرازاي خلي كده الموضوع العكس انا ممكن احب واحده 4 سنين ومش عارف احكم عليها بتحبني والا لا بتستغلني والا لا صعب ده المفروض ان العقول بتاعتنا اكبر من كده بس هيه تجربه ومتزعليش نفسك لانه ميستاهلش د_صيدلي باسم نشأت

10:17 PM  
Blogger مِتجّدَدَه said...

صحيح .. هم يضحك
و انتي بقا واخدة الموضوع ببساطة زي ما باين !!
احييكي علي اسلوبك و تجربتك

2:52 AM  
Blogger Bola 7elmi said...

دا واد جزما
يالهوووووووووووووووووي
أنا مقهوره منو بجد :((

5:02 PM  
Anonymous Anonymous said...

دا صحيح انو الحب بيزل رجالة ايه ده في الزمن الاغبر اللي بتاخد من الست بدال ما تديه!!! انا عن نفسي ماخداها من قاصرها و شايفة انو ما فيش راجل بستاهل التضحية لحد ما حد يسبتلي العكس

3:55 AM  
Blogger ♥ ضى القمر ♥ said...

اكيد ما حدش هايصدقنى لما اقولكم انى قاعده قدام المدونات من امبارح بالليل لحد دلوقتى مانمتش ومش قادره اقوم واسيبها ==> ربنا يسترها على عنيا
بس بجد سحر التدوين مالوش حل وخاصة مع اقلام رائعه زى قلمك
اتمنى تزورينى فى مدونتى واشرف برأيك
ورود بالوان الربيع أهديها لكى

1:53 AM  
Blogger الكروان الضائع said...

اسلوبك رائع جدا دا انتي غبتي برايديا بنتي
انتي كان لازم تعرفي من البدايه انه بيستغلك لان مهما كان الواحد فقير ومش معاه فلوس لا يفقد كرامته امام انثي حتي لو كانت الانسانه اللى بيحبها
صعب اوى يمد ايده لها اا اذا كان ندل وخسيس
بس نعمل ايه زي ما بيقولو نضارة الحب عاميه
بس عايزه اشكرك اوى لانك انقذتيني من غير ما تقصدى
مش لازم اقرر تجربتك ابدا

5:09 AM  
Blogger lolaaa said...

عادى جدا انا اخدت نفس المقلب دة من زمان بس فوقت بدرى بدرى بس اتعلمت واتربيت

3:39 PM  
Blogger Mokhtar said...

حلوة ما لقستش راجل دى

ربنا معاك وماعانا

3:34 PM  
Anonymous Anonymous said...

ربنا معاكي وتلاقى ابن الحلال اللى يعوضك خير يارب انتى وانا وكل المسلمات

6:09 PM  
Blogger tamer said...

يا هبلة
زى حالى بالضبط مع فارق الجنس والعمر

6:51 PM  
Anonymous خالد said...

مش عارف أيه أقول

مدونة صور و فيديو

http://funns.wordpress.com/

8:25 AM  
Blogger Tam said...

http://enta3ayezeh.blogspot.com/

7:35 AM  
Blogger om ali said...

يالهوووووى دأنتى فرحتينى بنفسى دأنا على كدة اذكى منك بكتير ..انا مضحكش عليا اوى كدة هما يدوبك كام شهر اللى دفعت فيهم وهوة بصراحة كان بيرفض بس برضة طلع ندل معايا بشكل تانى المهم النهاية واحدة والندالة واحدة ولو تعددت الاسباب

11:16 AM  
Blogger ghada said...

تقولى ايه لما واحد يتقدم ليك ويرفضك علشان خالك مريض نفسانى وخايف منه علشان مامته لو شافتو حتمشى على طول لما بيتقدم ليه اى حد برفضو من غير ما اشوفه لغايه ما وصلت 32 من غير ما اعيش قصه حب واحده بقيت اخاف من الحب

12:24 PM  
Blogger noor said...

حقيقي شر البلية مايضحك
ومعلش ماحدش بيتعلم بالساهل

5:24 PM  
Blogger cute said...

النداله مبدأ والجرى نص الجدعنه

12:40 PM  
Anonymous Anonymous said...

اظهر اتنيلت علي عيني وبحبه
برايد انا مش عارف اقولك ايه بس حكيتي معقدة بحبه وهو معرفش تصرفاته بتقول ايوة وكلامه مفيش
عنده مشاكل قالنا معلش لكن يقولي يشاركني
بيخاف عليا بيهتم بكل التفاصيل اللي عندي
لكن بشك فيه
اصل كان بيحب وفشل هو قالي
المشكلة اني عرفته وتطالع اننا كنا اصحاب في ابيتدائي وثانوي
يالهوي
مش عارف اعمل ايه انصحيني
معلش اصل عندي حزر تجول في البيت
علشان خاطر المكوس رن عليا بعد الساعة واحدة
اكمل معاكي بعدين

4:10 PM  
Blogger emmykhan said...

داول مره اشارك فيها ويارب متكنش اخر مره المهم.............جيجي اسلوبك جامد وفعلا محدش بيتعلم بالساهل بس تعرفي مين السبب في القصه دي كلها.................هي طنط مني مفيش غيرها
وربنا يوفقك ياقمر

7:43 PM  
Anonymous Anonymous said...

اسلوب رائع ربنايرزقك الي يستهلك

8:18 AM  
Anonymous BGY said...

ربنا يعوضك خير ان شاء الله

ومحدش بيتعلم ببلاش

6:58 PM  
Blogger المستشار said...

بصراحة مدونتكم دمها خفيف اوى واسلوب الكتابة بها مميز وتستاهل الشهرة اللى اخدتها

10:45 AM  
Anonymous Anonymous said...

اختك الكبيرة

طبعا انا عارفة انك مش اختى الحقيقية لكن يصادف ان اختى اسمها جىجى وعندها33 وظروفها زى ظروفك وحكاويها مع الرجالة الى طلعوا مش رجاله كتييييييييييييييييير وبتقول زيك خدو الوظيفه والمرتب وادونى عريس وحالتها النفسيه فى الحضيض ولكن مع ذلك نفسها تتجوز وانا مش عارفه اعمل لها حاجه غير انى دموعى لا تجف وادعو لها دائما بالزوج الصالح واخشى من يوم ياتى تتزوج ابنتى قبل اختى ولابيدى حيله ادعو الله ان يعوض عليكى وعلى اختى وعلى كل من تريد الستر مع رااااااااجل صالح

2:04 AM  

Post a Comment

<< Home