بيت العرايس و العرسان

اللي يحبنا ما يضربش نار عندنا

Wednesday, February 27, 2008

بمنتهى اللطف


طيب يابرايد اسمعى حكاية لسة طازة.

انا ياستى كنت غير كل البنات، مش قصدى الأغنية لكن أنا عمرى ما حلمت انى اتجوز بسرعة زى كل البنات – تفتشكرى هو ده السبب- ويا اما اتبطرت ياختى والله ( تفتشكرى برضه ده ممكن يكون سبب)، - لا طبعا ده نصيب - وربنا يسامحنى بأة ويعفو عنى . انا كنت طموحة جدا وعايزة احققق لنفسى حاجة لانى كنت حاسة انى ولا حاجة وحددت لفنسى اانى هابتدى افكر ف الجواز على سن 26 سنة يعنى اكون حققت طموحاتى المهنية وكمان اكون نضجت كفاية لانى اصغر واحدة وتصرفاتى كانت طفولية شوية وكمان كانت شخصيتى غير مسئولة بعض الشىء


.
الحمد لله اتخرجت من كلية قمة زى ما بيقولو اشتغلت كمان ف مكان مالتى ناشونال وابتديت ف سكة تحقيق الطموح المزعومة، وعديت على السنة اياها المشار اليها عاليه ، وحسيت انى جوايا بركان على وشك الانفجار ورغبة قوية وملحة انى اتجوز وبسرعة ... استغربت اوى من احساسى ده، لانى كنت بصحى من النوم فى نص الليل على كلمة اللهم ارزقنى الزوج الصالح.... كانت مرحلة غريبة اوى ومؤلمة وحالة انا مش فاهماها زى ما اكون استغفر الله العظيم شايفة انى حياتى ممكن تمشى بالمسطرة ، لكن طبعا كله بارادة ربنا... اللهم اغفر لى.


ولأن شغلى حساس وجدولى مليان فانا منش عندى اى فرص للخروج اوالتعارف ، وعلاقاتى بالجنس الاخر محدودة جدا وفى اطار الزمالة البعيدة كمان، ومش مشتركة ف نادى ولا عيلتى كبيرة ولا علاقاتى واسعة.ولا بخرج مع صحباتى اللى كل واحدة فيهم عاملة زى المكنة من البيت للشغل ومن الشغل للبيت وكلهن آنسات ومناصب وجميلات وغير مرتبطات. فاضطريت – بحكم كونى اصبحت شخصية عملية – انى اجرب مواقع الزواج الاسلامية اللى ع النت،



وكتبت مواصفات اللى انا عايزاه مواصفاته واحد اتنين تلاتة .... مش بقولك شخصية عملية، المهم حصل توافق بينى وبين واحد ، ابتدينا نتكلم ونتعرف على بعض ، رغبتى من انى احس بيه كانت اقوى بكتير من احساسى بيه، يعنى تقدرى تقولى كده حبيته قبل ما حتى احس انه بحبه ، زى اللى بتتلكك عشان تحب، لانى كان عندى مخزون "عاطشفى" متجاهلاه الى ان بلغت المرحلة العمرية اللى سمحت فيها لنفسى انى افتح قلبى بأة، وفتحته .. وعينك ما تشوف الا النور!!!!! ، الولد كويس ومش تافه ومحترم وتفكيره حلو بس مشكلته زى مشاكل كل الشباب ... الفلوس .... بس هو يتميز شوية بانه بيدرس ف المانيا، بيحضر ما جيستير (عقبالك يابرايد) وهو نفس مجال دراستى على فكرة، بس انا جبت م الاخر ووفرت على امى الفلوس ونزلت انا كمان اشتغل واجيب فلوس.
المهم، ابتديت احس انه الفارس اللى جايلى ع الحصان الأبيض ( اللى اتضح لى بعد كده انه حصان طروادة) وان احنا مخلوقين لبعض وكل الكلام الساذج اللى بيتضحك بيه ع البنات ف اول تجاربهم وبيتصدق طبعاً عشان ما مروش بتجارب تعلمهم وانا كنت كده.
وهو ادانى حب واهتمام كبير جدا وعيشنى ف حالة حب وقالى كلام – احلى كلام – من يومها وانا بضرب نفسى بالشبشب انى صدقته....


فاجئنى بعد نزوله بطلب اننا نسيب بعض، قلت كل شىء نصيب والحمد لله ان ده حصل دلوقتى قبل ما يبقى فى حاجة رسمى، رضيت بقضاء ربنا ووافقت بمنتهى السهولة ونهيت كل اتصال بيننا،
وفوجئت به راجع وبقوة يطلب منى انى ارجعله وكلام بأة من اللى قلبك يحبه، وعقلك يستعبط ويصدقه ( متسيبنيش ، متضيعيش كل حاجة بسهولة كده
انا ما صدقت لقيتك..انا بحبك... انا محتاجلك، خليكى جنبى انا جاى من اخر الدنيا علشانك
،،
) وفعلا عملت كده وسامحته ونسيت ورجعتله "بمنتهى اللطف" لانى فعلا كنت حبيته أو يمكن عشان سيت تروس قلبى تقوم بوظيفتها و وتخيلت انى مش هقدر اوقفها تانى، واذا بهذا الموقف يتكرر مرة اخرى، وانا بأة نهر النيل ورمز العطاء والوفاء والتسامح اللى باغفر انسى وارجع "بمنتهى اللطف".


واذا به بعد ما ييجى البيت والموضوع يمشى ف تراك الاجراءت الرسمية ، يكرر نفس الطلب وهو اننا نكون اخوات بس يكون فى بينا اتصال لانه حاسس انه ولا حاجة ومعهوش اى فلوس ولا حتى تمن الدبلة ، ولانى بحقيقى شايفة ان تقييم الانسان مش بالفلوس خالص ولانى الحمد لله ربنا كارمنى ورازقنى ولان اخر سبب ممكن ارفضه عشانه هو امكانياته المادية، لانه شاب ومستقبله كويس وهو ده الكنز الحقيقى، عرضت عليه انى اسلفه بس رفض "لكن مش بقوة"، مامته كانت ست جميله وبتحبنى وكانت بتكلمنى من وراه ، وعرضت عليها انه اديها فلوس تديهاله من غير ما تقوله انها منى.... بس برضه محصلش وأنا ما ألحتش... لانى فكرت ف نظرة الناس ليا لو حد تانى عرف، انا برضه مش رخيصة ، انا بس بحب ولطيفة.
وقلت له "بمنتهى اللطف"
انا ميهمنيش الفلوس لانها بتاعة ربنا ورزق وكمان احنا اللى بنعملها مش هى اللى بتعملنا واحنا لسة فى بداية حياتنا ولسة ادامك مستقبلك بعد ما تخلص دراستك
، كنت بحاول اقف جنبه على اد ما اقدر، بس كمان انا كنت تعبت اوى اتألمت وحسيت بالاهانة ، حسيت انى يويو مربوط بأستك ضعيف يشده شوية ناحيته وبعدين يرميه ف الهوا ويتفرج عليه وهو بيبعد وبعدين يرجع يشده تانى بمنتهى السهولة:


وقعدت ادندن "بمنتهى الطف":

( هتروح؟ ما تروح وسيبنى وروح وروح علشان اعلم قلبى يعيش مجروح .... هتبيع؟ متبيع ما انا لازم اضيع ،علشان اتعلم عمرى ما آمنش اللى يبيع.... بهواك؟ بهواك كان لازم اهواك ، علشان انا قلبى طيب وانت حبك هلاك).


تعرفى يابرايد اخر مرة دى حسيت انى برتعش ، تقريبا الاستك كان ابتدا يتقطع، وفعلا حسيت ان بطارية قلبى شحهنا ابتدا يفضى وهو استنفذ كل طاقتى واحاسيسى ما بين مشاكل امكانياته المادية المتعسرة ورسالة الماجيستير وابحاثه المهددين بالضياع والشقة وظروفه ف البيت وعلاقته بوالده وكراهيته لمصر و...... مع انى كنت راضية واوجدتله حل لكل حاجة حتى مشكلة الشقة حليتها. وقلت له انى الحاجات دى عمرها ما هتفرق بينا، واننا نبعد عن بعض بس لو مش بنحب بعض، وطالما الحب موجود كل المشاكل دى بتدوب وبتعدى وبتتحول لذكرى.
بس بعد شوية زهقت من المحايلة واتخنقت جوايا مشاعرى ناحيته ، تعرفى كان ايه رد فعله، رفض رد فعلى بالاستسلام لرأية اننا نسيب بعض للمرة الرابعة او الخامسة مش فاكرة ( وده كله فى ايام ميكملوش اسبوعين ) ،
وقالى بالحرف
انا مستنى منك تحسسينى انك متمسكة بيه لان ظروفى صعبه وتعبان وهو ده اللى انا محتاجه منك، وان مش متزن وتعبان نفسيا وده بيحصلى لما ينزل مصر، اللى مستحيل أعيش فيها وانه خايف لحسن متعرفش تيجى معايا المانيا
، فوافقت "بمنتهى اللطف" وجبت ورقى وابتديت اجهز لاجراءات السفر، لقيته تحمس وعنيه لمعت وبعد نص ساعة تحول وقالى انه لما يبقى غنى هيبقى ييجى يتجوزنى ورمانى ف الشارع .. ومشى.. حسيت احساس فظيع يا برايد، يمكن شبه احساسك لما اتسرقت منك الفلوس ف الميكروباص، بس الفرق ان انا قلبى وكرامتى اللى اتسرقوا....
الادهى من كل ده انه بعد ما طلب منى اتحمله واحسسه انى متمسكه بيه، بعدها بعتلى يقولى انا مش فاهم سر تمسكك بيا، اللى بيحصل ده مش طبيعى




ويوم الفالانتين كان تاريخ فراقنا الفعلى، رجعتله هديته اللى كان جايبهالى لما جه من السفر، وأخدها بسهولة، وشحنى بالأحاسيس السلبية ناحية نفسى، وحواره لم يخل من كراهيته لمصر وترابها وشعبها والتخلف اللى فيها والفساد و.....وتخيلى لقيته بيدينى ورق عشان اساعده واعمله له، وبيطلب منى اننا نفضل على اتصال وكان محسسنى ان ده اكبر جميل بيعمله لى.... مش قادرة أقولك كرهت نفسى اد ايه ف اللحظة دى وحسيت انى ولا حاجة وانى مكسورة أوى ، وقررت اعمل اى حاجة ارد بيها اعتبارى لنفسى وانتقم بيها منه وأرد كرامتى اللى ضاعت فى تراب مصر الغالية اللى انا بحبها بجد وبحب نيلها ( حبيبى بتاع العطاء) ، بس مالقيتش ادامى غير الورق بتاعه اللى كان مديهونى عشان اشتغله فيه بعد ما اشتغل لى هو ف الأزرق وعيشنى فى الأسود، رحت واخدة قرارى بمنتهى القوة والحزم والشجاعة وقررت الا اكون فى "منتهى اللطف" واعتذرت لحبيبى نهر النيل بتاع العطاء، وقلت هى دى اللحظة الحاسمة ، انا لازم افوق من الوهم ده بأة وأدوس على تروس قلبى حتى لو اضطريت انى اكرسها.
ومسكت الورق بتاعة "بعنف".........
وبوسته"برقة" .......
ورميته ف الزبالة" بمنتهى اللطف ".


( فى حد يحب حد بيوجعة بالشكل ده، ويرضى يضحى بحياته، فى حد عنده عمر يضيعه هدر كده ، وما يبكيش ع اللى فاته).

إمضاء
المعذبة اللطيفة بنت النيل
(قصتها و بإسلوبها)

122 Comments:

Anonymous Doodo said...

mesh ha2olek kalam takleedy zay eno mayesthelkeesh w eno naseebek mestaneeky w w....bas el tagroba deah tet3alemy mnha ennek tedy e7sasek el gameel da w albek el kebeer l 7ad yestahlo w ykoon already ademlek 7aga mesh shart tkoon madeya yesbet beeha 7obbo leeky w tamasoko beeky mesh yeseebek 4 or 5 times...somma takeeyemek l sha7'seyto fel awel 3'er ely 3erfteeh bel mo3amla...korho l balado 7aga salbeya gedan...w beydres bara w ma3ahoosh taman el debal!!!!
wade7 ennek tayebaaaa:))
save ur emotions 4 someone yestahelha w b sure enno mesh 7ases b 3'alato aw ely 3amalo feeky la7san tefakarry terga3y lel mara el sadsa...
Rabena yekremek soon isa

6:30 AM  
Blogger semsem said...

مش عارفه اقولك ايه؟
بس متزعليش ومتندميش وارجعى اقفى على رجلك تانى
من الواضح ان جواكى خير
بنا يوفقك ويكرمك بزوج صالح يحبك ويسعدك
صدقينى ده رزق
ونصيب وثقى ان ربنا موجود
وربنا يوفقك
اختك سمسم

6:37 AM  
Anonymous Anonymous said...

قصتك دي شجعتني باني اعمل زيك انا في نفس الموقف تقريبا بس بطريقه اخرى و لاكن نتفق باننا في الطرف الاقوى بالمعادله ........اسمعي انا مش راح اطول معاكي في الرغي هنا لام بعد قراته البوست ده في حاجات كثير لازم تتعمل عشان الحق اللي باقي من كرامتي اللي تبعزقت
ادعيلي ابقى قويه مثلك و اوصل الى النهايه مثلك
امنيه

6:59 AM  
Blogger $$Dado$$ said...

وللاسف المأساة دى بتتكرر و الله بالحرف مع بنات كتتتتتير اوى
انا حاسة ان مع مرور الزمن و عوامل التعرية اصبح جنس الولاد ده في منتهى الضعف و التشتت و مبقوش فاهمين هما عايزين ايه (طبعا مش كلهم بس الكتير منهم بقوا كده)
و البنت هى اللي بقت الاقوى فى تفكيرها و بقت عارفة انها ___لا تبحث الا عن الحب و الوفاء
المعادلة دى بقت صعبة اوى اوى يبقى لازم فعلا يتاخر سن الزواج للبنات و الشباب يتوهوا فى الدنيا الواسعة بلا هدف او خوفا من الهدف

7:19 AM  
Blogger $$Dado$$ said...

و الله اللي هايصبرك ان فى بنات حصلت معاها كده للاسف و مش مره واحده ده كتير لنفس البنت لدرجة ان الموضوع ده بيفقدهم الثقه فى نفسهم
ربنا يهدى و يرحم الجميع

7:23 AM  
Blogger Rivendell** said...

احلى حاجة في الموضوع دا كله

منتهى اللطف


ايه يااوختشي الرقة دي كلها

7:24 AM  
Blogger dreaming of abetter life said...

قصه بتتكرر كتيييييييييييير اوي للاسف....والمفارقه العجيبه انك تلاقي البنت الكويسه يجلها شباب عجب...والشاب الكويس يروح لبنات متستاهلهمش...بس سبحان الله له في خلقه شؤوون..

شوفي انتي ربنا بيحبك انه بان علي حقيقته من بدري....ولا تضايقي نفسك..واكسري وراه زييييييييييير.....فيه ناس كده مالهاش في الطيب نصيب...طيب تصدقي ان انا خطيبي قرر اننا نسيب بعض عشان بخاف ربنا في الكلمه ومكنتش بحب اقول كلام مش في وقته :) :)...بذمتك يتزعل عليه؟؟

عيشي حياتك وارمي اللي فات ورا ضهرك...محدش يستاهل

ربنا يسعد قلبك يا قمره يارب

9:51 AM  
Anonymous the_explorer said...

فى أحيان كثيرة أشعر أن البنات و من غزارة المشاعر يحبن من أجل أن يشعرن أنهن فى علافة حب وبغض النظر عن الشخص الموجود على الطرف الآخر من العلاقة كالنهر اذا امتلأ بالماء فاض فى أى أرض كانت. لقد أحببت هذا الشخص من قبل أن تعرفيه ثم تقبلت منه من التصرفات ما يدل على أنه غير ناضج و أكثر من مرة فماذا كنت تتوقعين؟
و من خبرتى الشخصية فاٍن أى بنت تتوق لسماع كلمات حب جميلة لذا فاٍن أغلبهن يقعن ضحيات للذئاب من الرجال و من خبرتى الشخصية أيضا فاٍن أقل الرجال حظا من الرجولة الحقة أكثرهن حظا مع النساء لذاك السبب. و لا يغرنك هنا قول أغلب البنات أنهن يبحثن عن الرجل الحق و الأمثلة التى أعرفها كثيرة اٍلا من رحم ربى من العاقلات اللائى يستطعن الحكم الصحيح على معدن الرجل
أما عن أن الرجال فى منتهى التشتت كما قرأت فى تعليق فأرد عليه بأننى أظن أن عدم النضوج سمة نسبة متزايدة من الشباب، أولادا و بناتا، فى بلادنا حاليا. أقول أيضا أن الزواج للرجل مسئولية بيت و أسرة و اٍنفاق فمن الطبيعى أن تختلف نظرته عن المرأة التى تبحث فى الزواج عن المشاعر أولا
قد أكون مخطئا فيما قلت و قد أكون مصيبا ولكنى أرجو ألا أكون قد ظلمت أحدا بما قلت واٍن فعلت فبغير عمد وغفر الله لنا جميعا

9:51 AM  
Blogger soso said...

يا دى النيله الرجاله جرى لهم ايه متزعليش نفسك كده احسن ده انسان سلبى و لا يعتمد عليه الجواز مش كده عاوز مسؤليه و حاجات كتير كده و لا يهمك بكره ربنا يكرمك باللى احسن منه

12:14 PM  
Blogger الهدهد الطائر said...

This comment has been removed by the author.

12:48 PM  
Blogger samourai 4 ever said...

على فكرة
مرايه الحب عاميه
و كان فى دلائل كتير اوى اوى
تبينلك انه مش مظبوط
بس انتى غميتى عينك عنها
و كنتى اكيد بتوجدى المبررات لتصرفاته
و ساعات الحلول لمشاكله
مع ان الراجل لو بيحب بجد واحدة هى و بس
عمرة ما حيحسسها بمشاكله
لانه عارف انها حتزعل عشانه
حتى لو اتكلم معاه
مش حيعد يعيد و يزيد فيها و يحسسها انه عاجز و مش عارف يعمل حاجه
و يعد يشيلها همه اعتبارا انها المفروض تشاركه
و لو هى جت و حاولت تفضفض معاه
يعد يقولها طب دة انا فيا و بيا و عليا
و يفتحلها صندوق الدنيا اصدى صندوق مصايبه
معلش متزعليش نفسك
الحب الاول مش حتقدرى تنسيه
بس محدش بيتعلم ببلاش
و ياعالم
ان شاء الله
لما يجيلك صحب النصيب
حتستريحى اوى اوى
و ربنا حيعوضك خير
ان شاء الله
و بواحد احسن منه مليون المليون الف مرة
و صدقينى
انا مجربه
و دمتــــــــــــــــــــــــــم

1:20 PM  
Blogger Wild at Heart said...

في حد يبقى بيعمل ماجستير في ألمانيا وماعهوش فلوس؟
ربنا يشفي ويعوضك، وتاني مرة لازم يكون مقدرك لو مش مقدر ماتزعليش عليه.

4:00 PM  
Blogger حاسوباتيه said...

مش عارفه اقولك ايه بس قولي الحمد لله انك عرفتيه قبل مايحصل اي حاجه رسمي ووماتزعليش ده خير والله واتعلمي نمن تجربتك دي وربنا يوفقك بلي يستاهلك بجد

4:55 PM  
Anonymous Anonymous said...

إتخاذ القرار بالانفصال محتاج ارادة
انتى انسانة مثقفة وواعية واعتقد ان انسان بالوصف دا لا يصلح لتحمل المسئولية
لان الجواز والحب عشان يستمر محتاج الامان
والشعور بالامان كان غير متوفر فى قصتك
انا كنت فى نفس موقفك
لكن انا شاب وبرضه معييش فلوس ولا هية كمان
لكن كانت طلباتها المخفية ورا كلمة براحتك واللى انت شايفه كويس هاته بس بنت خالى جابت كذا وبنت عمتى خطيبها جابلها كذا وبنت الجيران خطيبها مش بيطلع من عندهم ووحدة صاحبتى جابت العفش من عند فلان وبكذا
يعنى دى كانت طبيعة الكلام والتصرفات
والعصبية والشكوى الدايمة
برغم ان فات سنة على خطوبتنا ولفت نظرها للحاجات دى وان انا انسان هادى ومش بحب الفضايح
لكن
كان لابد من انى اخد قرار البعاد
وبرغم ندمها ورجوعها تتأسف ان القرار كان لابد منه لعدم استمرار المعاناة بقية الحياة
ياريييييييييييييت تلاقى شاب وبدون معايرة او بخل طالما معاكى فلوس وتقدرى تساعدى وتبنى بيتك
يبقى ضل شاب راجل ولا ضل حيطة بيتكم
ولحظة سعادة فى بيت تحسى انه بيتك
ومع ابن او بنت هما ولادك
تساوى كتيييييييييييييييييير
بدل ماتموتى ناقصة جوز
وياريت كل البنات تفكر كويس ان كل شاب نفسه يستقر ويتجوز
لكن المجتمع والظروف والبنات بتحاربه
ياريت كل بنت تلاقى شاب شايفه انه ينفع تكمل معاه حياتها
انها تسهل عليه بدون ما تجرح كرامته
لانه اغلى من اى تمن او فلوس
لانها مش بتشترى شاب يسلى وحدتها لا
دى بتشترى بيهم كلمة ماما اغلى كلمة فى الوجود هتسمعها من اول بيبى تجيبه
مع تحياتى
استاذ صبرى

4:58 PM  
Blogger أم أحمد said...

بقي بوستي الورق بمنتهي الرقة ورمتيه في الزبالة .. ياجاااامد ايه القسوة دي .. انا خايفة عليكي احسن يحاول يرجع وتوافقي ... أوعي أحسن أزعل منك أجمدي ياقمر

5:10 PM  
Blogger mona said...

بكل بساطة الشاب دا كان عايزك تصرفي عليه وتعطيه فلوس لكن أنت لم تلقطي الهدف يمكن من حسن حظك أو لأنه مش محترف كفاية

ربنا يعوضك بالشاب المناسب

6:40 PM  
Anonymous Anonymous said...

اولا زي ماانتي قلتي انتى كنتي بتحسسي نفسك انك بتحبيه قبل اما تحبيه وفعلا ده اللى حصل انتى رغم ده مش كنتي بتحبيه ده كان مجرد اقناع لنفسك ان هو ده الحب علي الرغم والله من اللى انتى كاتباه لامؤاخذه ان مفيش عنده اي رجوله ولا اي احساس بجد مفيش راجل حتي مهما كان يعمل في انسانه ولو حتي مش بيحبها كده يسيبها اربع او خمس مرات قال ايه عشان مش متزن طيب مش متزن ومش معاك فلوس بتدور ليه علي عروسه يااما كان بيلعب ولقي ان الحكايه بقت جد فمش عارف يعمل ايه يااما ده فعلا مجنون وعاوز يتعالج من اللي هوا فيه قبل اما يظلم بنات ناس تانيين معاه ووبس واسف للاطاله بس بجد بجد انتى لازم تنسي شخصيه زي دي لانها ليست تجربه تذكر وليس هناك داع ان تكون هذه التجربه محركك في القادم في حياتك بان تبعدك عن الناس وتجعلك تخافيهم بل المفروض ان تجعلك تستطيعين ان تري الناس بعين واضحه وعين فاحصه وليس هناك داع للحكم علي الناس بتسرع من اول مره فمن الممكن ان يكون اكثر من مره لمعرفه شخصيه هؤلاء الاشخاص واسف مره تانيه للاطاله

9:04 PM  
Blogger دنيا غريبة said...

ممكن كلمة

2:00 AM  
Blogger دنيا غريبة said...

اولا دى اول مشاركة ليا يارب اكون ضيف خفيف ثانيا مش عارف حاسس من كلامك انك لازم تتجوزى طيار دكتور او على الاقل احمد عز هههه يعنى لو فى مدرس غلبان زى حالاتى بنظام التعاقد اللى اتعين بعد ماطلع الاول فى كليتة ياعينى حيبقى مصيرة اللى اترمى فية ورق بتاع المانيا دة مش عارف هيا البنات بتحلم بشاب ولا بسيرة زاتية مش بتقدم واللة بس محتاج افهم وبجد مدونة رائعة وصاحبتها اخف دم فى مصر شكرا ليكم

2:04 AM  
Blogger elhareef said...

انا اتأسرت جدا بالقصة لاكن ماكنش فى داعى للجملة دى الى مرت على الكتير مرور الكرام والا انا مش باعرف اقرأ عربى
ويا اما اتنكت ياختى والله

طيب أذا بليتم فاستترو
وكل امتى معاف الا المجاهرين
انتى طبعا استغفرتى بعد ماحطيتى اسم ربنا اخر الجملة
ربنا يهدينا جميعا
مش عازين البنات تألف المعصية من المواضيع الى ذى دى

3:43 AM  
Anonymous Motazaweg said...


تحذير.. التعليق القادم جاد وغير مرح وملئ بالكآبة.. يعنى هواة المرح يعملوا سكرول للتعليق اللى بعدى على طول وبدون تفكير


من سوء حظك يا بنت النيل إنى اليومين دول مش فى المود.. وبالتالى مش هاعرف أغلف وجهة نظرى فى غلاف كوميدى يذيب من جفاف جدية الرسالة.. رفقاً إحتملينى فى التعليق ده

من أسلوب كتابتك فنمط شخصيتك الأساسى حاجة بنسميها "بريفكسالى سيرشر".. الباحث عن الكمال
التمط ده معناه إنك كثيرة الجلوس مع نفسك.. كثيرة المحاسبة لنفسك.. كثيرة التفكير.. تحبى كل حاجة تكون صح وعينك بتلقط على طول الحاجات الغلط الموجودة وتبوظ عليكى النظرة المتزنة لكمية الحاجات الحلوة

بالأغلب هاتوفقينى على الفقرة الأخيرة.. وبالأغلب برضه هاترفضى إختزالها لما أقول إن النمط ده سوداوى بطبعة

(على فكرة ده نفس نمط غادة راوية برايد حتى ولو أنكرت)


متناقضة غريبة فى نمط الشخصية ده.. إنه عكس كدا خالص مع الآخرين.. دايماً يلتمس لهم العذر رغم إنه كثير اللوم لنفسة..
عينه الحساسة بتشوف نقائص الأخرين أيوة.. لكن عينه برضه بتشوف دوافعهم وأسبابهم لكدا فتعذرهم.. مراعيين جدا لمشاعر الآخرين وعايز أقول لك إن فى حالات الحب زى تجربتك فحتى لو مفيش عذر واضح للطرف التانى فهاتختلقية.. هاتلفى البحر والسما وتحسى بيه وتجيبى عذر ليه

مش مهم تنكرى ولا توافقى على اللى باقوله.. أنا مش باهدف لإختبار رؤيتى وممارسة ساديتى عليكى بأكتر ما يهمنى تفهمى نفسك من خلالى.. حطى فى دماغك إنى مش نبى ولا عراف علشان كل اللى باقوله يكون صحيح لكن تعالى على نفسك وإفترضى صحة ما أقول جدلاً يعنى


متابعة اللى كتبتبه عن الطرف التانى فى تجربتك بتقول ما جمّع إلا لما وفق الصراحة.. هوه كمان نسخة من نمط الشخصية بتاعتك بس بمعطيات ذكورية (دى لعلمك مشكلة مش ميزة)

لو إجتريتى مخزون ذكرياتك معاه ممكن تفهميه أكتر.. هاتلاقيه متشائم وحزين.. هاتلاقيه بيجيب اللوم على نفسه فى إن المشروع مايكملش ومش بيقول إنك مقصرة فى حاجة.. ولو مرة قال إنك مقصرة فى حاجة هاتلاقيه منفعل زيادة وبيمثل عليكى كدا علشان تكرهيه فيساعدك تسيبيه لأنه حاسس المشكلة عنده وعايش فى دور الرومانسى بتاع الحب العذرى.. بعدها بفترة مش هايقدر يكمل وهايرجع زى الجردل ويعتذر بطريقته لأنه فعلاً بيحبك وبيقاوح نفسه


الجزء بتاع كراهيته لمصر أنا بصراحة لا أعول عليه بالكثير.. شايفه -رغم وطنيتى الشديدة- بمثابة صرخة سخط وتمرد على أوضاع مصر الإقتصادية المهببة وفساد نظامها المتنيل بنيلة.. ودول أكتر حد يحس بيهم هوه شاب بيحب وظروفة مقندلة للدرجة اللى فى حكايتك دى

باختصار شايفها جملة صلاح جاهين فى رائعته "على اسم مصر" فى اللحظة اللى قال فيها:

أكرهها وألعن أبوها

لكن لو قريتى البيت اللى بعده فى نفس الرباعية هاتلاقيه مكمل

وتلتفت تلاقينى جنبها فى الكرب

..

بالتمس له الأعذار أنا كمان.. صح؟
ماهو انا نسيت أقول لك.. أنا كمان من النوع المهبب بتاع البريفكسالى سيرشر بتعاكم.. طبيعتى بتجبرنى على التماس الأعذار للآخرين

..

نخطى خطوة لقدام ونمسك البلورة المسحورة بتاعة علم النفس لأنها بتقرا الطالع وبتشوف المستقبل

طبعاً بتمرى بفترة عصيبة ومؤلمة
عندك صراع نفسى رهيب ما بين مشاعرك اللى لسة بتحبه.. وما بين إنك خلاص مش قادرة تستحملى كمية الألم اللى بيسببها الإستمرار فى المشروع ده

أوعى تسمعى أغانى كتير أو قليل.. لأن كل الأغانى بتاعتنا بتحلق فى فلك المجاريح ومش هاتلاقى أغنية غير لما تلمس الوتر عندك وتقعدى تعيديها بالساعات

خليكى أكثر صلابة وأوعى تسقطى فى فخ الماترير كومبليكس اللى هوه ساقط فيها حتى أذنيه (لذة الألم والإحساس بإنك شهيد الطرف الآخر)

عموماً الفترة مش هاتطول
لأنه لازم هايتصل بيكى
هايحاول يقاوم ويبعد وبعدها مش هايعرف ويرجع زى الجردل برضه لأنه بيحبك ومش قادر يتخلص من الشعور ده زيك بالزبط

طبعاً سيادتك هاتمشى على الحبل.. يعنى هاتقوليله كفاية ألم لحد كدا ومن جواكى عايزاه ميقفلش السكة ويكمل
وده نفس اللى بيعمله المجنون التانى بس بطريقة أكثر تعقيداً


لما يتصل بيكى قوليله لازم نكون أعقل من كدا ونفكر بعملية..

إنت مفلس وأنا عارفة.. خلاص مش عايزاك تفتح السيرة دى تانى ولا الموال ده تغنيه تانى لمجرد إنك تسمع منى تجديدات بالوعد وإنى جنبك ومش هاسيبك

قوليله نظام "فيشنج فور سبورت" اللى بتعمله معايا ده دمرنى نفسيا.. قوليله صعب جداً إننا نكمل وسيادتك لما تحس إنك لوحدك الدنيا تضلم فتيجى تقول لى نفضها سيرة مخصوص علشان أنا اللى أبث جواك إنك مرغوب ومحبوب والنقاط دى مش بتشغل تفكيرى..

قوليله إحترم تفكيرى شوية عن كدا وإنك طالما صريح معايا بمشاكلك وانا قلتلك عرفت وهاكمل معاك فلازم تحط فى عينك حصوة ملح وتفهم إنى أعنى ما أقول ومش هاجى فى يوم وأعايرك بكدا

فهميه إن أسلوبه ده أنانى جدا.. لأنه بيستمد قوته على حساب ألمك إنتِ

فهميه إنه يكون أصلب من كدا.. حسسيه إنه طالما أخد منك كلمة فمفيش داعى كل شوية يبص وراه ويحاول يتأكد إنتِ لسة معاه ولا لاء بالأسلوب الحزاينى الكئيب ده.. بالأسلوب المؤلم والمتعب ده..

قوليله إن الدنيا مليانة مشاكل بما يكفى.. عايزين نكون مع بعض على الدنيا لكن بأسلوبك ده بتعمل لى مشاكل وكأنك بقيت مع الدنيا عليا وانا مطلوب منى إنى أحايل فيكم إنتوا الجوز ومفيش إنسان عنده قدرة على كدا

..

..

..

فى النهاية، أنا أسف يا بنت النيل لو أقحمت نفسى جواكم وإخترقت خصوصياتكم ومشاعركم وإنجرفت لإستقراء بواطن ما بين الأسطر بطريقة أشبه بإنى أتلصص عليكم عريانين قدامى

عذرى إن موضوعك ده لمس وتر جوايا لأنه متكرر بشدة فى كل قصة حب أحد طرفيها أنانى غبى.. حرام والله القصص دى تبوظ بسبب الغباوة فى زمن أصبح الحب فيه عملة نادرة
أسف مرة تانية لو كلامى ضايقك أو ضايق أى حد

3:58 AM  
Blogger رفقة عمر said...

للاسف فيه ناس بتستغل مواقع الزواج استغلا ل سئ مع انه ممكن يكون فرصه كويسه للتعارف الجاد المحترم لكن للاسف ذوى النفوس الخبيثه استغلوه اسوا استغلال حسبى اله ونعم الوكيل لى واحدة صدقتى اشتركت واتعرفت على شخص برضه استغلها ونصب عليها ب20 الف جنيه وفى الاخر سابها تتحمل حسرتها لو حدها
ياريت يابرايد تتكلمىى فى الموضوع دة لانه زاد عن حدة فعلا

6:11 AM  
Anonymous Anonymous said...

معلش يا جماعة بس أنا حاسة اني أنا الوحيدة اللي عندها مشكلة في قراية الجملة دي

((ويا اما اتنكت ياختى))

هيا الكلمة دي معناها اتغير مثلا؟
ولو مكانش اتغير، طب مش كان ممكن تحطي تحذير يا برايد عشان الناس اللي مش بتحب تقرا كلام كده، أوتستعد بدل ما تلاقي كلام كده في أول سطر.

الغريب ان الجملة دي مش ماشية مع السياق وحاسة انها ممكن غلطة في الاملاء مثلا.

يا ريت تصلحيها يا برايد لو أمكن.

6:43 AM  
Blogger aya said...

تصدقي فعلا ان الولاد دلوقتي مابقاش ليهم كلمه بقوا البنات رجاله اكتر منهم انا برده كنت عارفه واحد ولا كان عايزني ابقي ليه ولا ابقي لحد غيره عايزنا نبقي زي الصحاب الله يرحم رجاله زمان اللي كانت كلمتهم كلمه واحده

7:57 AM  
Anonymous Anonymous said...

على فكرة بقى : أنا بقى النيجاتيف بتاعك .. أنا برضه خريج كلية قمة و ناجح و مرموق و كل الكلام ده. بس انا (الولد) اللى كنت اليويو بس انا بقى اللى كانوا بيعملوا معايا كده كانوا بيمسكوا طرف الأستيك استخسار. او تقدرى تقولى كان نفسهم يحبونى و ماعرفوش. و لما مشيت و سبتهم ندموا و عيطوا و هكذا.
بس الخبر الحلو بقى ان ربنا رزقنى باكتر من اللى استهله اصلا. انا دلوقتى متجوز شخصية رائعة و مرموقة برضه و زى القمررررررررررر. لا و ايه بتحبنى موت مش عارف على ايه و عندى منها ولدين. اللى يصبر ينول

8:01 AM  
Anonymous Doodo said...

3ala fekra ya gama3a, mesh mafrood ykoon mawdo3 el ertebat sa3b awy keda..al rasool (pbuh)2al"man tardawn deeno wa 7'oloko" w ma2aalsh wazefto w markazo...bas el kessa hena ma3a bent el nile enno aslan sorry ya3ny mafeesh 7'olok..el mawdo mesh floos wala wazeefa..el mawdo3 tafahom w este3dad lel tad7eya..mafaheem lel asf mesh mawgoooda..mesh bndawar 3ala perfection wala 7aga..el bent menena awel ma terta7 lely odamha, betedeelo 3eneha..tab3an feah banat madeya bas akeed ely ra7lohom 3aref aslan enohom keda..wala eh?

8:19 AM  
Anonymous the_explorer said...

توضيح
نظرا لوجود تعليقين اشتكيا من نفس الجملة، أود أن أوضح الآتى
الجملة: و ياما اتنكت ياختى
كيفية قراءتها
we yama ettannekt yakhti
المعنى
و كم من مرة تبطرت وتكبرت يا أختى

8:19 AM  
Blogger muhamed_yehia said...

انتي ليه استحملتي ده كله انا مش شايف انك كان لازم مترجعيش من اول مره اصلا بس واضح انك لطشفه اوووووووووووووووي

11:20 AM  
Blogger hamssah said...

عزيزتي
ارجو ان تكون التجربه اللتي رويتها لنا بكل هذا الاحساس المليء بالالم واللذي احسست بين سطوره بقدر لاباس به من المرار والاسى ارجو ان لا يستمر معك هذا الاحساس لفترة طويله وان تسترجعي حياتك وقلبك واحاسيسك كما كانت من قبل وان كنت اعتقد ان هذا صعبا ولكن ليس مستحيلا فالطرف الاخر لم يكن الا مجرد تجربه فيها ما فيها من حلو ومر ولكني اعتقد عزيزتي ان الله سبحانه وتعالى قد انقزكي من استكمالها لانها لم تكن الا وتزيدك الما وحسرة ومزيدا من التضحيات اللتي لم تكن ستنهي ابدا ابدا ابدا
احمدي ربنا وانشاء الله حيعوضك عن الامك خير

11:51 AM  
Anonymous Anonymous said...

rubena yesabarek ya o7'tee wallahee de7ekteleek aweee, asleee 7aseet 7'eer allahoma eg3alo 7'eer en dah nafs el alahbal elle 3amalee film 3arabee we 3amal bey7ebenee, we kan lase3 keda bardooo, wennabee shaklo howa, wala yehemek ya tota, da wad 3abeet wennabe 3abeet. isa rubena ha yesahelek we yerzo2ek be zoog kowayes isa, we kolo esma we naseeb
bokra ted7akee ya batoot, tab 2olely esmo keda, wennabe shaklo howa el wad nafso el lase3 dah, 7asbona allah wa ne3ma al wakeel fehom de 3eyal 3andaha 3o2da nafseya we 3ayzeen yetala3oha 3aleena

12:26 PM  
Blogger cinderella said...

غاليتي
كلماتك موجعه للقلب
فحقاً تدميه وتدمع له العين ألماً
ماهذا الشخص؟
لكي يجرح و يقسو
ويكون سبباً في جرحك
دون شعور منه بأدني ذنب يقترفه
أو حتى شيء ضئيل من المسؤليه
تجاه من أقترفه بحقك
مرات ومرات
هذا الشخص إجعليه مثل علبة البسكويت
التي إحتفظتي بها قليلاً على أمل أن تتذوقيها يوماً
ولكن انتهت صلاحيتها
فيجب عليك ألقائها
في أقرب سلة نفايات
ولا تذرفي من عينيك دمعه واحده
فهو لا يستحق
وقلبك الجميل هذا
سوف يجد من يستحقه عن قريب
فهنيئاً له بهذه المشاعر الفياضه
والقلب الملائكي

2:05 PM  
Blogger جبهة التهييس الشعبية said...

يا حبيبتي ما تزعليش
ده مريض نفسيا
وانت راخرة رايحة تنزلي بروفايلك على موقع الجواز؟
ماهو اكيد ح يقع في عبك ناس مرضى نفسيا
ولما هو مش مستعد للجواز كان بينزل البروفايل بتاعه ليه ابن الهابلة ده
ما جراش حاجة يا امي
الله جاب الله خد الله عليه العوض
والرجالة هم اللي زي اليويو
يروح واحد ييجي عشرة غيره

4:51 PM  
Blogger محمد فوزي said...

يا جماعه البنت بتتكلم عن التناكه يعني الألاطه مش اي حاجه تانيه يا ريت نكبر دماغنا شويه موصلتش للدرجه دي يعني!!

1:32 AM  
Blogger son's egypt said...

السلام عليكم
فعلا من لا يستحق الحب لا يستحق التضحية باي شئ

5:44 AM  
Blogger ليكوريكا said...

خابف اني احب

وخايف ينسى الحب يوم يقابلني

خايف اجرب خايف اهرب

خايف اجرب يبعد عني

ناس مالحب شافوا قسيه وناس اتهنوا!

------------------------------

ياريت كل الناس زيك

ربنا ان شاء الله هيكرمك لانك بجد جواكي خير ونقاء جميل

ومبدأي في الحياه مفكرش في اي حد بيبيع بالسهوله دي

لانه وبمنتهي البساطه ميستاهلش

(بمنتهى اللطف) متفكريش في الحب

ومتدوريش عليه

هوا هيجي لوحده حتى لو بعد ال 30

بالتوفيق باذن الله

7:49 AM  
Blogger romalistic said...

بصراحة أنا رأيى إن ده شخص متردد و مش عارف هو عايز ايه أو كان مش بيحبك أصلاً فأحسن حاجة تبعدى عنه و مترجعيلوش أبداً.

و فعلاً غريب موضوع إنه بيدرس فى المانيا و مش قادر يجيب حتى دبلة.

و عموماً أنا مش بقتنع بمواقع الزواج ده.

10:23 AM  
Blogger dr_nour said...

اولا بجد انتي احمدي ربنا انه نجاكي من الشخص ده

بجد والله ده غير طبيعي وانتي ربنا بيحبك انه بعدك عنه

ان شاءالله ربنا هيكرمك ويسعدك بانسان احسن منه

ومشكلتك علي فكره بتحصل لبنات كتيرررررر لاننا للاسف بيكون عندنا مخزون عاطفي كبير نتيجه عدم مرورنا بتجارب قبل كده واول صدمه بتكون اقوي صدمه

انتي ركزي في شغلك ونصيحه ابعدي عن موضوع الارتباط اللي عن طريق مواقع الزواج دي

وربنا يوفقك

11:10 AM  
Anonymous Anonymous said...

انا مش عارفة اقولكوا ايه... انا بنت النيل..انا حاسة انى بحبكوا، بحبكوااوى ... مش عارف اقولكوا كلامكو الجميل عمل فى معنوياتى ايه، احساس حد مجروح ولقى الف ايد اتمدت له وبتطبطب عليه، عارف ان الطبطبة مش علاج لكن مسكن ، ومسكن قوى كمان لانها من ناس معرفهاش ومفيش بينى وبينهم علاقات مباشرة ممكن تخليهم يجاملونى اوى يضحكوا عليا، وبحب غادة وبحب الجروب ، انتو كمان طيبين اوى، على فكرة انا عمرى ما اشتركت ف جروبز ولا كنت اعرف موقع غادة غير من فترة قريبة اوى من على الفيسبوك من جروب هايا اسمه كتاب جديد ف السوق، بس بجد حاسة انى لقيت كنز، واستفدت واتعلمت من كل تعليقاتكو ومتضايقتش من حد حتى الاستاذ اللى حلل نمط شخصيتى انى برفيكسالى سيرشر، انا شايفاه بيقرانى بجد وقال كلام حقيقى جدا حتى استشفافه حقيقى ... مبسوطة انى عرفتكوا اوى

12:05 PM  
Anonymous بنت النيل said...

انا تانى"بنت النيل"
على فكرة انا من شدة استمتاعى واشتياقى للطبطبة رجعت اقرا تعليقاتكواتان، وقريت تعليق الشخص المحلل العبقى والسيكاتريست النحترم اللى قرانى وحلل شخصيتى وعجبنى كلامه اوى واهتميت انى اقرا ما بين السطور اى حاجة تدل على شخصيته... بس اكتشف انه اساسا اسمه متزوج.... يادى الحظ، ايه يا غادة هو دخل هنا ازاى؟؟؟!!!

12:25 PM  
Anonymous رؤى said...

إكتبيلي لينك الجروب ده لو سمحتي يا بنت النيل

2:42 PM  
Anonymous JODY said...

للأسف فيه شباب كتير غير جادين ومترددين فى مشاعر البشر
هو مش لعبى بس نوع من التعقيد جواه

طبعا مش بلتمسله عذر

الله يكون فى عونك

حاسه بيكى لأنى زيك بالظبط أتخطبت لواحد من المترددين دولا بس ماسيبناش بعض أكتر من مره
لأ كان هو بيقرر يسيبنى من غير مايبلغنى بس كنت بحسها فى معملته وكلها من غير سبب أو لأسباب تافهه جدااااا
وأكتشفت بعد ما سابنى فعلا كان حاكى لأصحابه وزوجاتهم عن كل مره كان بيتمنى يسبنى فيها وكان بيفترى عليا بأسباب وهميه

كان عنده خوف من الزواج وبعد ماسبنى جابلى فوبيا من الإرتباط مش خوف وبس فوبيا وما أدراكى ما الفوبيا

9:39 PM  
Anonymous بنت النيل said...

الجروب اللى انا بقول عليه اسمه كتاب جديد فى السوق جوه موقع الفيسبوك وده اللينك بتاعه:
http://www.facebook.com/group.php?gid=8905298582
بس الاول التسجيل فى الفيسبوك

10:01 PM  
Blogger mostafarayan said...

بصي بقي يا ست المعذبة
اولا مش عيب ابدا ان الأنسان يكون له طموح في شغله مش عيب ان الأنسان يحب يكبر ويتقدم انت ماغلطتيش لما قرت انك تأجلي عواطفك لحد ماتحققي احلامك
اماحكاية الولد دةفانت غلطتي اصلا لما فكرتفي حوار جوزا النت دة دة حوار فاشل من الأساس لأن اللي بيدخل عيل المواقع دي بيكون عايز يتسلي مش اكتر
تاني غلط انك لأغيتي عقلك اللي كنت مشغلها طول الوقت
ف يموضوع الجواز لازم نشغل عقلنا ماينفعش نلغيه كان لازم من الأول تحسي انه مهزوز ومش واثق من نفسه الفقر مش عيب لكن عدم ثقة الأنسان في نفسه وقدراته وتذبه المستمر اكبر عيب
غلطتي كمان لما رجعتيله بعد لما قالك نسيب حسستيه انك رخيصة ومش لاقيه الأنسان لازم يكون عزيز وملعون ابو اي علاقة تهين كرامة الأنسان
علي العموم اي تجربة وانت اكيد استفدتي منها
فكك م حوار جوازالنت دة وركزي في مستقبلك وشغلك وافتحي قلبك للحياة والناس وادعي ربنا وربنا اكيد هيكرمك لكن اوعي تلغي عقلك مرةتانية .. عقلك مالكيش غيره

10:18 PM  
Blogger emos said...

homma dayman el banat el 7'am beye7sal fehom keda
bs kewayes awy en dah 7asalek
3arfa leeh?
hate3rafy lamma tertabety tany b 2ebn el 7alal elly yestahlek w ye2adar masha3rek
el bent lamma bet7eb l awel marra beteb2a mosta3eda teda7y b kol 7aga 3ashan 7abebha 7'ososan karametha b7eget en el 7ob mafhoosh karama
bs lamma yetla3 bane2adam waty
beyeb2a msta3'rab awy en howwa waty w fe 7ad bey7ebbo keda fabeyeb2a faker en el nas kolaha watya zayyo
fabeyeb2a mesh mesada2 en fe 7ad ye7ebbo keda
3ala kol 7al rabena mesh beye3mel 7aga we7sha
w amr allah 7'eer

wa7da megaraba zayek

12:38 AM  
Anonymous بنت النيل said...

على فكره يا جماعة انا مش زعلانة منه خالص ومش بكرهه وربنا يعلم مبقولش عليه كلمة لا ليه ولا ف حقه ووالله بادعيله، الحكاية كلها اننا مش نصيب بعض، وهو ربنا يسهل له ويرزقه باللى احسن منى، فبليز اللى يطبطب عليا ما يغلطش فيه لانه قد يكون غصب عنه والظروف اقوى منه فعلا وقد يكون مش بيحبنى وقد اكمون انا متحبش ، ادعوله وادعولى وبعدين كفايه انه خلانى اكتب واحس ان ليا اصدقاء جامدين زيكو.

5:46 AM  
Blogger romalistic said...

أنا بحييكى إنك قلبك كبير كده و مش عايزة تتكلمى عنه أو حد يتكلم عنه بطريق وحشة .. ده حاجة نادرة أصلاً.
و بعدين ايه اللى بتقوليه ده؟ "وقد اكون انا متحبش"؟ ده انت كفاية بس قلبك الكبير ده .. متفكريش كده أبداً .. مش عشان تجربة منجحتش يبقى انت متتحبيش أو مش حتنجحى .. بالعكس انت تستفيدى من التجربة ده عشان تنجحى المرة الجاية ان شاء الله .
ربنا يرزقك بالزوج الصالح اللى يعرف قيمتك قريب ان شاء الله.

6:15 AM  
Anonymous بنت النيل said...

مرسيه ع الطبطبة

7:26 AM  
Blogger The_Explorer said...

تردد الرجل الذى تشتكى منه بعض الفتيات يحدث غالبا عندما يكون شعورها ناحيته أقوى من شعوره ناحيتها. ويزداد هذا التردد عندما تكون الفتاة جميلة، مثقفة، ناجحة ... فى هذه الحالة يراجع الرجل نفسه فربما تنمو المشاعر مع الزمن وربما لن يجد مثيلتها ثانية. بمعنى آخر هو صراع بين العقل والقلب أو بين المصلحة والعاطفة. وقد يحدث نفس الموقف معكوسا مع الفتيات أيضا ويضاف اليه ضغط الأهل والمجتمع لكى تتزوج. الطرف الآخر قد يحس بهذا التردد ولا يستطيع نفسيره أو يفسره بأى سبب أو يختار تجاهله فتحدث المشاكل. فما الحل؟ أظن الحل هو الصراحة واٍن كانت مؤلمة ومن فضل الله أن تنتهى هذه العلاقات قبل الزواج حيث المشاكل أوجع

9:08 AM  
Anonymous Anonymous said...

انتى مشكلتك الحقيقية انك اتاخرتى فى انك تكونى مش لطيفه كنت عاوزة ايه تانى بعد ماقالك انه مش متزن نفسيا وبيكره مصر ده سيكو على الاخر ومتردد وحالته حاله احمدى ربك انه نجاكى منهوبعدين موضوع عريس من النت دى اصلا محتاجه كلام كتيييييير بس مش موضوعنا

4:50 AM  
Blogger Babyblue said...

howa el 7a2ee2a ma3andeesh gher comment wa7ed:
ya maaaan ... waty enta!

5:07 AM  
Anonymous بنت النيل said...

مش عارفة اقولك ايه يا أمنية، بس بجد ربنا معاكى، احنا ناس لا نحسد بالمرة ع اللى احنا فيه، معلش يمكن ربنا بيمتحننا او بيرفعنا عنده درجة، لازم نصبر ونحتسب، المهم انتى فعلا لازم تشغلى عقلك ومتلغيهوش زى ما انا عملت فى مرحلة من مراحلى بس كمان اعرفى ان تحكمك ف نفسك هيكون ليه تمن كبير على حساب مشاعرك وراحتك النفسة، بس لو ارادتك قوية مش هتطولى، اربع خمس ايام وهتلاقى عندك طاقة ايجابية ناحية نفسك وهتحبيها اكتر وهتشتغلى على انجاحها اكتر واكتر.

10:00 AM  
Anonymous بنت النيل said...

يا جماعة انا مش قادرة اقول لكو انا بادخل عل البوست كام مرة ف اليوم عشان اقرا تعليقاتكو اللى بتمدنى باحاسيس ايجابيها، لانى بحس فيها بصدق عميق ومشاعر جميلة جدا جدا جدا، بجد انتو كنز

10:09 AM  
Anonymous doodo said...

ay 7'edma ya gameel:)))
w isa Rabena yekremna kolena b 7ad ykoon sincere 3ashan bgad el wa7ed etbahdel:(((

10:27 AM  
Anonymous خبير لغوي said...

الأخت غادة برجاء استبدال " كلمة " اتنكت بكلمة اتبطرت عشان مجتمعنا مش مجتمع مستمد من يوتوبيا وفي بنت فهمت الكلمة غلط
التناكة كمصلح عامي ممكن نعبر عنه بلفظ البطر أو التبطر وأنا قعدت 5 دقايق أقول إيه الغلط الإملائي الموجود هنا ملقيتش وفي الأخر خمنتها بصعوبة

بالنسبة للأخت صاحبة الرسالة ..فاللي حصل ده طبيعي وتحليل الأخ المتزوج منطقي إلي حد بعيد ..عيبك مش إنك كنتي ضعيفة أو لطيفة لأ إنك محطتيش إيدك علي عيبه وواجهتيه بيه ..أي اتنين بيحبوا بعض المفروض يركزوا في المسائل دي لأن من حقي علي نصي التاني إنه يواجهني بعيوبي ومشاكلي الكبيرة بإسلوب مش يجرح وفي نفس الوقت يعالجها أو يفوقني وينبهني لضرورة علاجها
كان لازم من تاني مرة ييجي علي سيرة الظروف وعدم مقدرته المادية تنبهيه إنك مش هتكرري تمسكك بيه تاني وإنه فعلاً زي ما قال الأخ المتزوج يبقي أقوي من كده لأنه هو الراجل وهو اللي متغرب وهو اللي هيقود سفينة الحياة فعلي الأقل يبدأ القيادة بقوة ولو بيحبك يبقي واثق فيكي ويبطل الخوف من النماذج السلبية اللي كانت نتيجتها إن في ترسبات جوه كل واحد فينا إن شريكة هيخونه أو يبيعه

بصراحة صاحبة المشكلة شريكة في المسئولية بس زي ما هيا قالت هيا بعدت والألم فاق الوصف فبالتالي كل ما عليها تبعد فعلاً نهائي عن أي أغاني وتلجأ لربنا تستمد منه قوة كفاية إنها تبدأ من جديد وربنا يوفقه ويوفقك

10:17 PM  
Blogger مش عايز أتجوز said...

بنت النيل في حاجة مهمة حابب أضيفها
حاولي تعمليلك أكاونت زي ما أنا عامل كده علي البلوجر حتي لو مش هتكتبي أو تعملي بلوج لأن من السهل علي أي حد شخصيته مش سوية إنه ينتحل أسمك ويكتب تعليق مش كويس
دي نصيحة بس ..وبتفق مليون في المية مع كلام الخبير اللغوي
حتي بالنسبة لملاحظته اللغوية كمان

10:20 PM  
Anonymous بنت النيل said...

انا للاسف مش قادرة اخمن الخطأ اللغوى، بس انا عايزاكو تدعولى اوى اوى اوى لانى عاملة عمليه ف عنيا وحاسة باحتياج فظيع لدعواتكوا ومتعطشة موت انى احس ان فى حد جنبى، لانى نفسيا متدمرة بسبب وحدتى واكتشفت ان شغلى نعمة كبيرة لانه بيشغل كل وقتى وطاقتى وبارجع مهدودة انام على طول ، حاسة انى ان فى حفرة ف قلبى ارجوكى املوها بدعواتكو ليا وسؤالكو عليا، بحبكوا الى ان اجد من أحبه

3:51 AM  
Anonymous بنت النيل said...

اه وكمان مش عارفة يعنى ايه اعمل account سامحونى انا جديدة ع المدونة

3:53 AM  
Blogger مش عايز أتجوز said...

الخطأ اللغوي مش ضروري تخمنيه المهم إن الكلمة في ناس كتير هتقراها غلط
وربنا يشفيكي وترجعي زي الفل وأحسن وحاولي تبقي أقوي لما تفتكري إن ده مجرد ابتلاء من ربنا والمؤمن مبتلي فلو ثبتت دي في دماغك أعتقد إنك هتبقي أقوي وأكيد أي حد بيدخل المدونة وبيعلق مش هيحتاج منك الرجاء عشان يدعيلك وربنا يكون في عونك ويشفي كل مريض

ضحكت أوي لما قلتي بحبكم لحد ما ألاقي حد بحبه ..شكلك مش خبرة في الحب ..الحب أنواع وطبعاً زائر المدونة أو اللي علق علي قصتك مش يتساوي بإنسان هيكون شريك العمر كله ..فهو تقدري تسميه احترام متبادل بين أخوات في الاسلام أو الأنسانية عموماً لو اختلف الدين يعني وأخوات في الوطن واللغة ..إلخ ..بلاش بقي كلمة لحد ما ألاقي حد أحبه دي هتزعلي الناس منك :))



وموضوع إنك تعملي أكاونت علي البلوج سبوت سهل جداً

https://www.blogger.com/start
روحي اللينك ده وبما إنك تعليم عالي فمش هتحتاجي ترجمة مجرد بس حد ينبهك للخطوات
1 _ تختاري
Create Your Blog Now
مكتوبة في سهم برتقالي هتدوسي عليه في وسط الصفحة

2 - في خانة في أول الصفحة اللي هتتفتح بعد كده هتكتبي فيها
E-mail يكون شغال فعلاً عشان ده اللي هتكتبيه أثناء دخولك علي الموقع أو تعليقك في المدونات
ياهو أو هوتميل أو جي ميل ..كلهم واحد
وبتكرريه في الخانة اللي تحته

3_ خانتين بتكتبي فيهم كلمة الدخول الخاصة بيكي وتكرريها تاني في الخانة اللي تحتها ومتقلش عن 8 حروف أو أرقام
ويفضل 10 حروف أو أرقام

4_ خانة الديسبلاي نيم أو الأسم اللي هيظهر للناس في تعليقاتك

5- مربع من حروف ملونة بتنقليها زي ما هيا في الخانة اللي تحته
Word Verification
6_ علامة صح علي المربع الصغير اللي أدام عنوان
Acceptance of Terms

وبعد كده تختاري
Continue

تفتح معاكي صفحة جديدة بعد ما كل المطلوب منك في اللي قبلها يتنفذ مضبوط هيكون فيها خانتين

Blog title
ده عنوان البلوج بتاعك كإسم متعارف يعني زي بيت العرايس والعرسان مثلاً
وممكن يكون عربي أو أنجليزي سيان

Blog address (URL)
ده عنوان البلوج علي شبكة الأنترنت يعني اللينك بتاعته ولازم يكون بحروف أنجليزي وبتختاري
Chick Availabillity عشان تتأكدي إنه متاح

وبعدين
Continue

وفي الأخر بتختاري Temp late من الموجود أدامك وطالما البلوج معمول كحاجة هتعلقي بيها فمش هيفرق إوي إن يكون تصميم البلوج مميز وأي حاجة ترتاحيلها من دول كويس

وخلاص مبروك
أتمني أكون أوضحت

4:50 AM  
Anonymous بنت النيل said...

اولا مرسيه ليك ع النصيحة اوى، وثانيا انا اسفة ع الجملة اللى قلتها مش قصدى بيها حاجة ، انا يمكن بس معرفتش اعبر كويس ، انا اصلى حاسة انى لقيتكوا ف الوقت المناسب ، فده يخلينى اقدر افرغ فيكو شحن الحب اللى جوايا واستمتع كمان باحسسكو ناحيتى حتى لو اختلف نوع الحب، وانا قلت ان فى حفرة ف قلبى ، مش مهم بأة نوع الحاجة اللى تملاها بس المهم يكون احساس صادق وحقيقى ومن القلب

5:26 AM  
Anonymous بنت النيل said...

يا حليلة ( على رأى غادة) ، انا عملت مدونة ، اعمل ايه بأة.. ؟؟؟

5:41 AM  
Anonymous بنت النيل said...

انت بتضحك عليا يا صديقى اللى مش عايز تتجوز، انا عملت مدونة بس مش فاهمة ده ايه علاقته بان التعليق يدخل عند غادة، واضح انى ظنك ف انى تعليم عالى مش ف محله....

5:44 AM  
Blogger barbie girl said...

كبرى دماغك
دى تجربة اتعلمتى أكيد منها حاجات كتير
ومش هتقعى فى الغط دا تانى
بس انتى اللى غلطتى فى الاول لانك تسامحتى معه اكتر من اربع خمس مرات
يابنتى محدش بيعمل كدا خالص
عموما
قدر الله وما شاء فعل

7:21 AM  
Blogger TEMPORARY LOSER said...

This comment has been removed by the author.

8:18 AM  
Anonymous بنت النيل said...

انا عملت مدونة بس مش عارفة اتعامل معاها اوىن مش فاهمة التعليق ممكن يدخل ازاى لمدونة تانية، سورى والله تعليمى عالى وكل حاجة بس انا جديدة على عالم المدونات، استحملونى بأة معلش

10:41 AM  
Blogger لطيفة "بنت النيل" said...

test

10:43 AM  
Blogger لطيفة "بنت النيل" said...

test, may i gonna do it myself

10:44 AM  
Blogger مش عايز أتجوز said...

test completed successfully ^^
now you can use thise name to comment & this cant be faked :P
congratulations :)

8:16 AM  
Blogger لطيفة "بنت النيل" said...

thank you my happy single friend :)

12:27 PM  
Blogger لطيفة "بنت النيل" said...

thank you my happy single friend :)

12:27 PM  
Blogger مش عايز أتجوز said...

i see you have echo
hehehe
no need to thank me its ok y3ny
by the way dont call me single..just friend ^^

11:32 PM  
Anonymous Anonymous said...

بصى يا بنت النيل
انا مقدرة مشاعرك ان هذا هو وقت الارتباط والضغط ده خلاك تحطى نفسك على النت كسلعة معروضة و لو حد قالك من سنتين انك ممكن تعملى كده لا يمكن كنت تصدقى لكن فكرة الانتظار المطلق يعنى استنى و خلاص فكرة لا تتفق مع شخصية ايجابية زيك علشان كده بدل ما تقفى مشيت فى أى اتجاه و السلام و لانه مش اتجاه مناسب صادفت شخص غير مناسب ولأنك انسانة طيبة و ربنا بيحبك أنقذك من هذا الشخص
الانتظار فى حد ذاته ليس عملا سلبيا كما تظنيت و التناكة التى تتحدثين عنها على ما أظن تتلخص فى انك رفضت الارتباط بأشخاص كانوا من وجهة نظرك عرسان لقطة بس لعروسة ثانية"و هو أمر عادى و ليس غرورا يعاقبك الله عليه كما تظنين
سيرى فى طريقك المعتاد فالفارس الذى يستحقك يقف فى هذا الطريق هناك وضعه الله من قبل مولدك و لكن فى محطة قادمة لم تصلى اليها بعد و عنما تقابلينه كما قابلت فارسى لن يكون الوقت متأخرا أبدا لتتمتعى بالسغادة الأبدية يعنى زوج الدنيا و الآخرة ان شاء الله و اذا لم يقدر لى أن الاقيك وجها لوجه فى الدنيا أرجو أن يجمعنا الله بكما أنت و زوجك على ضفاف أنهار الجنة قد يبدو لك الأمر الآن خياليا لكن تذكرى هذا التعليق عندما يصبح حقيقة
أحبك فى الله

2:13 AM  
Anonymous Anonymous said...

عفوا ممكن كمان تعليق
الأستاذ المصحح الغوى
فى الحقيقة أنا أجد أن كلمة البطر أسوأ دلالة من التناكة و انا لست خبيرة لغوية لكن اذا كانت الفكرة ان التناكة هى غرور قاتل و استعلاء وهو ما طرد ابليس من رحمة الله و أعتقد أن هذا هو ما كان المرسل يلمح اليه حين ذكر بقول المصطفى كل قومى معافى الا المجاهرون
فان البطر يعنى جحود النعمة و الأمر أسوا
أعتقد أن الحل أن نخفف من غلوائنا
حلوة غلوائنا دى صح
يعنى أن نظن بأنفسنا الخير و نضع المعنى فى السياق و لا نبحث عن أسوا تفسير لكل كلمة و الا فلن نجد كلاما نستعمله ولا يمكن اساءة تأويله
شكرا لكم
أحبكم فى الله

3:04 AM  
Blogger لطيفة "بنت النيل" said...

انا متشكرة اوى على كلامك الجميل والصريح واللى انا بجد اتعلمت منه، انتى عندك حق فى كل كلمة قولتيها، انا اكتشفت انى معلوماتى الحياتية فقيرة جدا وعلاقاتى الانسانية محدودة وعشان كده انا متأخرة اوى ف حاجات كتير ، كنت فاكرة انى لما اكون قافلة على نفسى دى شطارة وتميز، بس كانت النتيجة انى خبراتى وتجاربى والدروس اللى اتعلمتها ممكن اوى يكونو عند واحد عندها 17 سنة ، الحمد لله على كل حال، وانا عندى شغلى اللى بحبه وامى ربنا يخليها لى وبراعى ربنا وان شاء الله ربنا يفوقنى ويقومنى م المحنة دى على خير، لانى حقيقى ف محنة ، خليكو جنبى

7:57 AM  
Anonymous Anonymous said...

مش هاقولك غلطتك لان الانسان لما بيتهياله انه لقى الحب بيموت من الرعب لو فكر فى لحظة انه يضيع
مش بالساهل تلاقى حب ومش بالساهل تتضيعى حب
بس اللى حصل ده مش حب
ده حلم او يمكن كابوس
حصل مع ناس كتير بشكل او باخر لكن المهم فى الحلم
ان الواحد ممكن يصحى منه
احيانا وانا جوه الحلم بقول لنفسى اصحى ده حلم مش تكمليه
وفعلا بصحى احيانا قلبى يتقبض شوية لكن بنسى
عرفى نفسك ان ده حلم وصحيتى منه مفيش فايدة من الواحد يقعد يفكر فى حلم مجرد حلم
الحقى نامى واحلمى حلم جديد ان شاء الله يكون سعيد قبل ما تصحى ومتلحقيش تحلمى تانى

10:08 AM  
Blogger مش عايز أتجوز said...

الأخت الغامضة :)
كلامك حلو ومشجع لبنت النيل
بس ليه كتير مننا بيغلطوا الغلطة دي
الأنانية الزايدة..الواحد أو الواحدة بيدور الأول علي الحلم أو علي الحب الخاص بيه هو لوحده وملوش فيه شريك
مع إنه لو دور علي حب أكبر وهو حب ربنا وحاول يرضيه في كل شئ ويعمل اللي عليه .أكيد هتكون النتيجة أجمل بكتير من مجرد حب مهما كان جميل فهو أناني لأنه مقدم علي أي حاجة تانية في الدنيا وكأننا اتخلقنا مستنيين مكافأتنا من قبل ما نثبت أحقيتنا لها
دي كانت وجهة نظر ليس إلا

6:55 AM  
Blogger مش عايز أتجوز said...

ومقصدش بالمكافأة إنها مش ترتبط ..بالعكس دي أكيد بإذن الله هتكون من نعم ربنا عليها وهتكون أجمل من ما تتخيل
بس لما الواحد يجيله زي ما بتسميه الحلم ده علي حين غرة ومفاجأة كده بيكون جميل أوي وأجمل من أي خيال
لكن لما بنفضل قاعدين حاطين إيدنا علي خدنا وعمالين نرسم صور لفتي أو فتاة الأحلام ونبالغ في المشاعر اللي هنديها او ناخدها ..بتتحطم كل الأمواج العاطفية دي علي صخرة الواقع وإن الزواج مهما كان فهو لأداء دور في دنيا بتأدي لأخرة ولازم بيكون فيه بعض الصعوبات..مش مجرد وسيلة للسعادة والراحة الأبدية

6:58 AM  
Blogger لطيفة "بنت النيل" said...

عندك حق، حب ربنا اجمل واعمق وادوم وانقى حب، وبجد مفيش بعده... ليه حب عبد يخلينى ف احسن حالاتى ويسعدنى لمجرد انه بيهتم بيا وبيسأل عليا وبيفكر فيا، اللى خالقنى اولى بيا، ربنا بيحبنا اوى ، بيحب كل مخلوق فينا وبيخاف علينا ربنا حنين اوى اوى علينا ،وعارف مصلحتنا فين وهو اللى بيرزقنا ولما بيحرمنا برضه بيكون ده لمصلحتنا اللى احنا منعرفهاش (انما منعك لطفاً لا بخلاً) واحنا لازم نقدر الحب ده فى نعمه الكتيير اوى علينا، فى صحتنا ورزقنا وراحة بالنا وهدانا ،احنا مشكلتنا اننا بندى فرصة للشيطان يلعب بدماغنا ويوسوسلنا ،لكن لما نحمد ربنا برضا من قلبنا ده ليه اجر ولو شكرنا ربنا على النعم والعطايا اللى عندنا مش هيكون عندنا فرصة نشتكى من حاجة ولا نحس ان فى حاجة ناقصانا وبالتالى مش هندى الفرصة للشيان انه يوسوس لنا. الحمد لله كما ينبغى لجلال وجهك وعظيم سلطانك. ،

2:20 PM  
Blogger لطيفة "بنت النيل" said...

عندك حق، حب ربنا اجمل واعمق وادوم وانقى حب، وبجد مفيش بعده... ليه حب عبد يخلينى ف احسن حالاتى ويسعدنى لمجرد انه بيهتم بيا وبيسأل عليا وبيفكر فيا، اللى خالقنى اولى بيا، ربنا بيحبنا اوى ، بيحب كل مخلوق فينا وبيخاف علينا ربنا حنين اوى اوى علينا ،وعارف مصلحتنا فين وهو اللى بيرزقنا ولما بيحرمنا برضه بيكون ده لمصلحتنا اللى احنا منعرفهاش (انما منعك لطفاً لا بخلاً) واحنا لازم نقدر الحب ده فى نعمه الكتيير اوى علينا، فى صحتنا ورزقنا وراحة بالنا وهدانا ،احنا مشكلتنا اننا بندى فرصة للشيطان يلعب بدماغنا ويوسوسلنا ،لكن لما نحمد ربنا برضا من قلبنا ده ليه اجر ولو شكرنا ربنا على النعم والعطايا اللى عندنا مش هيكون عندنا فرصة نشتكى من حاجة ولا نحس ان فى حاجة ناقصانا وبالتالى مش هندى الفرصة للشيطان انه يوسوس لنا. الحمد لله كما ينبغى لجلال وجهك وعظيم سلطانك. ،

2:22 PM  
Blogger لطيفة "بنت النيل" said...

سورى ع الصدى الكتابى اللى انا مش عارفة بيتكرر ليه، بس عايزة اى حد عند ثقافة مدوني يعلمنى عشان عايزة افعل المدونة بتاعتى وازهقكوا بالكراكيب اللى جوايا.... مستمتعة وعندى افكار وكراكيب هايلة، انتظرونى قريبا، بس علمونى الاول اتعامل ازاى مع مدونتى

2:25 PM  
Anonymous doodo said...

7aset awy b kalamko le2eny lessa tal3a mn mawdo3 kan fe3lan fazee3..montaha el ananeya w el este7'faf b masha3er el nas...la2 w mahma y7sal el wa7ed 3ammal ye3ady w yesta7mel w ydy 1000000 excuse..bas fe3lan Rabena maradaleesh da w kan a7an 3alaya menny w mn ay 7ad...akeed akeed mesh 3ashan ana kwaysa bas 3ashan Rabena ra7eem beya w beena kolena...

8:01 AM  
Blogger لطيفة "بنت النيل" said...

صديقتنا الكويسة، قلبى عندك، احنا لا نحسد على ما نحن فيه، بس حد بأة يقولى مين مبسوط، ومين بيحب بجد، ومين مرتبط بحد كويس، ومين مخلص ف حبه و ف مشاعره، وازاى الموجوعين كتير اوى كده برغم ان يوم عيد الحب مصر كلها بتبقى حمرا...

8:26 AM  
Anonymous Anonymous said...

go on writing, dont stop

amir

8:58 PM  
Blogger spyman said...

http://modonaty.blogspot.com/

12:34 AM  
Blogger د/اجدع بنوته said...

ده انسان مريض نفسيا بجد

احتمال كبير يكون بارانويك كمان

كويس ان ربنا حماها منه

تحياتى ليكى يابرايد

وللانسه بمنتهى اللطف

ربنا يقويها ويرزقها بالزوج الصالح

تحاول بقى تركز

وتفتح قلبها بس بعقل

وربنا هيوفقها باذن الله

5:45 AM  
Anonymous doodo said...

feah kteer kesas kwayesa 3ala fekra ...el etnen bey7ebo ba3d w mkamleen sa7...bas aho el wa7ed bey2ool ymken bey2abl 7ad 3'alat 3ashan ne3raf no7kom sa7 3al el nas w ye2adar emet el ensan ely bgad mo7taram w shary lama ygeelo isa...howa sure sure 7'er:)))
w ba3den 3eed el 7ob wel kalam da mogarad 3adwa b tantab el sha3b el masry:)

8:43 AM  
Anonymous Anonymous said...

بصى يا ألطف بنات النيل
نقول من تانى الاتجاه اللى مشيتى فيه مش مناسب لشخصيتك و لا يمكن يوصل لبيت سعيد يعنى عرسان النت دول آخرهم لمحلات هدايا عيد الحب الحمرا فى حمرا وبس علشان كده مصر بتتصبغ أحمر يوم عيد الحب و تتغسل بدموع البنات باقى ال 364 يوم
اللى بيحب مبيلونش يوم الفالنتين و أنا رأى فيه على فكرة هو بفس رأى برايد
يوم ما تلاقى نصك التانى مش هيكون أغنى واحد أتقدمك ولا أوسم واحد لكن حيكون أخلص و أصدق و أبسط واحد و هو ده اللى يناسبك و يقدر يسعدك على قد فهمى لشخصيتك
أحبك فى الله

1:04 PM  
Blogger Diyaa' said...

This comment has been removed by the author.

9:42 PM  
Blogger مش عايز أتجوز said...

التعامل مع المدونات مش صعب ..ومتهيألي عرفتي تنزلي موضوع بسيط بعنوان أهلاً بيكوا
يبقي هتعرفي تنزلي أي حاجة مش تقلقي
وعموماً اللي أقدر أساعد بيه أنا مش همانع الصراحة يعني
وميل الياهو بتاعي أهو لو في أي استفسار لأن التعليقات كتيرة ولا تحتمل إضافة تعليقات خارج الموضوع
some_th1ng_else@yahoo.com

9:44 PM  
Blogger Tiny said...

تعرفي يا لطيفة من اول ما بدأتي الحكاية حسيت ان الحكاية مش مظبوطةو العريس مش هاينفع يكون عريس بس تعرفي ان الحكاية لو كانت معايا ما كنتش ها اعمل غير الي عملتيه...ليه بقى
طبعا عشان الي داخل الحدوته مش زي الي قاعد بيسمعها ، ازاي بقى نعرف نخرج من الحدوتة عشان نعرف تحطلها النهاية المناسبة

7:34 AM  
Anonymous n3omy said...

حبيبتي لطيفة
يا ابو قلب كبير ..ربنا يعوض عليكي باللي يستاهلك يا قمر
وصدقيني في صنف من الرجالة عايزة اللي يديها فوق دماغها .. لكن لو البنت بقيت طيبة معاة وحنونة يقول هي بتعمل معايا كدة لية .. هي متمسكة بية قوي كدة لية .. ويحس ان الموضوع مش طبيعي
مع ان احنا البنات ومش كلنا فينا طبع العطاء والحنية لان احنا امهات بالفطرة
ابقي طمنينا عليكي يا .. نسميكي لطيفة

12:36 PM  
Anonymous Anonymous said...

wallahy ya benty ma kan yestahlek , men elwade7 geddan enno ensan motarradded we mosh 3aref howwa 3awez a , aw enno khabeeth we fe 7aga fe dema3.o 3awez yewsallaha fel2akher , allah a3lam beeh
bas plz khalleky kaweiia we 7atta law 7awel yekallemmek tany tagahleeh tamaman , we 3eshy 7ayatek we rabbena yerzo2ek be ebn 7alal begad yestahlek we ye2addarrek :)

3:34 AM  
Anonymous Anonymous said...

بجد بجد
أنا حبيت المدونات جدا جدا
مع أنى تالت مرة أدخل وأقرا حاجه على مدونه ونفسى أعرف أزاى أتعامل مع المدونه
بس أنتوا بجد أجمد بنات فى الدنيا
أنا حاسه أنى لقيت اصحاب بحب أقعد معاهم وأقرالهم

10:33 AM  
Blogger mady said...

بصي يابنت النيل يااخر عطاء
اوعي اوعي اوعي يكون عندك اي فكر يابنتي
ده الطبيعي وده اللي بيحصل لتلت تربع بنات مصر
مع اختلاف القصه والابطال والامكان
كلنا لها يعني
وقولي الحمد لله ان ربنا طلعك منها علي خير
ومفيش حد بيتعلم ببلاش لازم تدفعي تمن الكورس اللي خديته في مدرسه الحياه

12:54 PM  
Anonymous Anonymous said...

بصى يا ستى انا جالى و احد زي ده بالضبط و قلنا بدل الإحراج نتقلبل بره أحسن.
عاوزة أقولك البيه جه 30-45 دقيقة متأخر لما كنت حاشيط و بعدين قلت يا بت معلش تعالى على نفسك شوبة.
المهم جه و قعد فى أبعد مكان. قامت قريبتنا اللى جايباه قالتلى ما تيجي يا حبيبتى تقعدى جانبه!!!
اتكسفت طبعا و بعدين بعد الحاح قعدت جنبه على نقس الكنبه. وده كأن عقربة لدعته قام فط و نط من جنبى زى ماكون قعدت على حجره!!!!!(يا عيني عالرجالة)

المهم والدي قعد يطلع كلام منه بالعافية برده و العريس مش بيوجهلي كلام أصلا.وقريبتنا تحاول تهزر ولا أى حاجة لما بقت فى نص هدومها من طريقته. قلت و الله ما أنا مبوظة القعدة و قعدت أهزر و أضحك مع قريبتنا و ده و لا كأنه كرسى قاعد مبوجهلوش أى كلام.
المهم القعدة خلصت و أنا قايمة قلت لأهلى ده مينفعش. (والدى كان له تعليق على موضوع الكنبة: قاللى شكله مش طبيعى!!!)
المهم بعد كدة الست ردت علينا و قالت أنا أسفة قوي بس ده طلع بيشـــــــرب!!!!!!!!!!!

No comment begad:)
Lolla

12:04 AM  
Blogger Kheishah said...

صباح الخير يا برايد
الف مبروك على الكتاب، انا لسه مخلصاه و عجبنى جدا، اعتقد انك موهوبة و لازم تحاولى تخوضى فى كتابات اخرى. بلاش تبحسى نفسك فقط فى موضوع الجواز لكن اطرقى ابواب جديدة خاصة فى كل المواقف والظروف اللى بتشوفيها فى شغلك و فى مجتمعك. أنت نظرك كويس و بتشوفى تفاصيل كتير و تناولك حتى للمواقف السخيفة و المؤلمة سلس و لطيف. ربنا يوفقك و ان شاء الله نقرا كتب جديدة قريب
هنا

11:12 PM  
Blogger Doaa Almarassi said...

بصراحه بقه و من غير أي لطف انا زعلان منك اوي اوي
يا شيخه جايه على نفسك ليه كده و بترمس الورق في الزباله
مكنتيش ترمي الورق و صاحب الورق في جهنم و تريحي الآدميه من الاشكال دي
لا لا لا بصراحه الراجل ده محتاج كام جلسه زار كده
ربنا يجعل كلامنا خفيف عليهم

4:44 PM  
Blogger عايز اتجوز said...

ممكن أرد أول رد
لا يعتبر الإنسان الذي يحاول أن يساعد من أحبب أيا كان سواء صاحب أخ وأظن من أهم الناس من أعطيته كل إحساسي ومشاعري فهل ما يستاهل إني أقدم له هذه المساعدة وبالنسبة لإحساسك إنك مخطئه .. هذا ليس صحيحا ويمكن يتفق في ذلك كثيرا من المجتمع بكل فئاته فالخطأ على من استقبل هذه المشاعر والتضحية فلا أرفع منه الخطأ وأذهب أنا لأحمله كله على نفسي
وفي النهاية أتمنى لكي شخص يقدر مشاعرك

9:36 PM  
Anonymous Anonymous said...

الاخ عايز اتجوز، انا حسيت انك ردك قوى وعايز تقول حاجة مهمو ، بس مفهمتش حاجة بجد من كلامك انا اسفة

5:03 AM  
Blogger Miso soup said...

انا حصلي زي الاخ اكسبلورو قال
اتكلمت علي واحدة علشان جواز و بعد ما قعدنا مع بعض مرتين حصل التردد لكن انا كنت صريح مع نفسي و نهيت الموضوع
انا مش ندمان علي كده (علي الاقل لحد دلوقتي)
ربنا يوفقك

6:39 PM  
Blogger one of the puzzled people said...

باين الناس اللطيفه هي الي بتدبهدل...
ربنا يكرمك ويرزقك بابن الحلال يارب..

5:32 AM  
Anonymous Anonymous said...

مش عارفه اقولك ايه يابنتي قصتك عارفاها وحاساها مش هارد عليكي الا بحاجه واحده ربنا يفرحك ويفرحني ويفرح الي زينا يااااااارب امين

4:38 PM  
Anonymous Anonymous said...

شوفى يا برايد الراجل مححبط وانت عارفة كمبة الاحباط الموجود فى بلدنا يغطى البحار والمحيطات كا ن لازم تقدرى ظروفه طيب يعمل ايه
ناجح يوسف فهمى
alabalatta.blogspot

4:30 AM  
Blogger snohe said...

انتى قويه جدا صدقينى الجواز مش حل للمشاكل احيانا بيكون هو المشكله المميته
انتى انسانه ناجحه ومتميزه ممكن نتعرف؟

12:59 PM  
Blogger f four a said...

سلام عليكم
انا شفتك في ال10 مساء ومن يوميها بدأت التدوين يازميلتي العزيزه...بس انا باكتب من الزمان

في زمن مستحيل فيه الحب واحلام الرقص فوق اوراق الزهور والتحليق عند السحاب الا بفقد شيئا من كرامتك واخلاقك واغضاب ربك وغير مفهوم غير لغة التسالي والمجاوره بمثل الاحباء فقط لتلامس الأجساد ومن ثم مصير قلبك لغرفة الانعاش وسمعتك بين افواه الناس

عندنا لا يوجد حب وانما فقط اشباح عواطف

والمصير النهائي جلسة قهوه وكلمتان وعرض جمالك او قبحك وفرز البضاعة ثم الاختيار

والحب يأتي مع السنسين

لا أعترض انها لأقدار ربي..ولكن في عصرنا لانعامل على اساس انسانيتنا


ان ملكتي الوقت ...ارجو زيارة مدونتي....


في حاجات قريبه من كلام البحث عن الحب او الزوج (أدنى العشرين, رسم الاحلام في يوم غمام , وحاجات تانيه)


سلام يازميلة الكلمه والمهنه والاحلام الراقصه تحت الندى كل صباح تنتظر من يفرق بين قطرات دموعها قطرات الندى فوق وجنتيها

1:11 PM  
Anonymous Tamer M. Fawzy said...

ببساطة و باختصار
الانسان ده انسان مش مظبوط
و مش متصالح مع نفسه
و انا شايف عكس اللي قاله بعض الناس
ده بيدور على حد يحس معاه بأهميته اللي هو مش حاسسها , و بيدور على شماعة يرمي عليها كل مشاكله

ربنا يوفقك لراجل بجد ان شاء الله

1:44 AM  
Anonymous علاء said...

غادة..او دكتورة غادة تحياتى على الاسلوب الرشيق الذى يحارب الملل ويجبرنا ان نظل امام الشاشة صاغرين مهما كانت الاعباء والمسؤليات
وبعد التحية اركز على مضمونين
الاول ان كتاباتك القوية انما هى كفعل اقوى افلام السينما الى تخلب العقول بدون ذنب واحد فيستفيد القارىء تسلية رائعة راقية بدون ندم
ثانيا فى لب المشكلة أود ان أطرح تساؤل:
هل العريس المناسب من وجهة نظرك يمكن ان يجمع بين أكثر من زوجة؟
اذا اتفقنا ان رجلا متزوجا يجمع بين الرجولة والرقة والحزم والحنان والإعتمادية والطفولة والاخلاص والسذاجة والإبداع والملل والثقافة والعفوية
وحائط صد منيع بفضل الله من الاخلاق التى تجنب صاحبها أى كبائر وإذا كان هذا الرجل مقتنع تماما بزوجتة وينظر لمسألة التكرار كواجب دينى وطاعة للرسول (ص) فهل تقبلين بهذا الرجل زوجا؟
بمعنى هل تقبلين ان يتزوجكى ويحسن عشرتكى بما يرضى الله ثم يتزوج من غيرك برغم أنة لا يحتاج اليها؟ هل ستقبلين؟ بمعنى : ان كنتى زوجه اولى اتقبلين ان تكون لة ثانية وان كان يريدكى الثانية بعد الاولى فهل تقبلين؟
هل تجلسين مع نفسك جلسة صادقة وتحددين موقفك ثم تشرحية على الملاء حتى تستفيد الاخريات الفضليات؟
واود ان استشهد بحديث شد انتباهى وأدهشنى عن رجل جاء للنبى يشكو الفقر فقال لة النبي تزوج فتزوج ثم جاء للنبى يشكو الفقر فقال لة النبي تزوج فتزوج ثانية-أرجو النظر لطاعة النبى- ثم جاء للنبى يشكو الفقر فقال لة النبي تزوج فتزوج من ثالثة كانت تغزل الصوف وعلمت الأخرتان فصار يبيع الغزل حتى جاء بعدها النبى فقال اشكو الغنى.. إلى آخر الحديث
فمسألة الحرب الشعواء على التعدد وانتشارها فى المجتمع الاسلامى انما كصب الوقود على النار
لايزيد الفتنة إلا إذكاء.. وعلى العلم فإنى ككاتب لهذة السطور لا أجد فى نفسى الكفاءة لما ذكرت وانما أضرب المثل بالداعية محمد حسين يعقوب ومحمود المصرى..
والخلاصة إن مشكلة الفتاة الرئيسية من وجهة نظر من يهمهم أمرها- هى أنها كلما تأخر بها سن الزواج صارت مطمعا لمن هم اقل كفاءة وسيرة تلوكها الالسنة الشامتة التى تبحث من دون ضمير - عن سيرة مسلية تبرد نار مشاكلها وتصبرها على معاناتها ولكنة صبر غير جميل صبر بذىء وقبيح
فمن كان مؤمنا بالله واليوم الآخر فليقل خيرا أو ليصمت.. فهل استشعرتى الآن عمق الحديث الشريف ودورة فى تخفيف حساسية المشكلات الشخصية لو تم تطبيقة؟
من فضلك أضيفى لمشكلة بنات جيلك مشكلة التقصير الشديد فى واجب الالتزام الدينى والتربية الاسلامية وهناك مشكلات كثيرات لا حل لها الا بمعجزة اما مشكلة بنات جيلك فالامل فيها موجود مع إعادة صياغة المبادى التى يتم عليها التقييم والاختيار ومنها:
عدم الانغلاق على التفكير بالارتباط بشريك من نفس الجنسية
المرونة فى اختيار شريك الحياة وإن صعبت ظروف عملة مع تكامل صفاتة والاستعداد للسفر معة لأى بلد (يؤمن فيها على الدين والعرض)
عدم تعقيد الامور فى وجة من طلب التعدد من منظور إيمانى لا شهوانى..
وفى النهاية أحيى كل من تنبأ لكى بيوميات زوجة وأم وجدة ولكن حذار من الآن..إفشاء الأسرار الزوجية .. فهو ذنب عظيم ومن ضمن ما أقصد ستر العيب والصبر على الكرب والثبات وقت المكارة.

11:51 AM  
Blogger عاشقة الحب said...

عموما هو اللي هيخصر القلب اللي حبو
و انتي هتكسبي انك فتحتي قلبك و عشتي اجمل قصة حب حتى لو كانت نهايتها اليمة

تحياتي

1:25 AM  
Blogger حسني said...

136ياغادة
بلاش بهدلة فبي الشباب اللي عاوز يجوزك
يمكن ابن طنط حشرية يبقي أحسن من أمه
ويغير طباعه بعد جوازك , لأن تأثيرك قوي
وكثير من الشبان بيحب البنتاللي زيك
علشلن لازم في الزواج من فلفل وشطة .

8:48 AM  
Anonymous Anonymous said...

انا الحقيقه قريت كل التعليقات الي قبل مني واعتقد اني مش حضيف حاجه زياده غير اني اقولك يا لطيفه خلي ثقتك بنفسك كبيره قوي ده مبيحصلش ليك انت بس ده بيحصل لبنات كتير وكلهم بنات عائلات محترمين وعلي قدر كبير من الجمال والعلم واعتقد ان ربنا عايز يعدينا بالتجربه ده عشان لما يجي الانسان الكويس تتمسك بيه وتحمدي ربنا انك لقينيه لان البنادم بطبعه مبيدركش قيمه الكويس الا لما يشوف الوحش وخاصه لو حد ناجح زيك كده في النهايه اتمني ليك الرضا في الحياه بالي قسمهولك ربنا اي كان وشكرا لكل الي كتب تعليق انا شخصيا استفدت منهم فالشكرواجب ليهم

11:29 PM  
Anonymous Anonymous said...

على فكرة البنات دول حاجة غريبة اوى
تصدقى انى دمعت لما قريت قصتك..
طبعا الموضوع مش موضوع شفقة..لكن انا اعرف ناس كتير تتمنى تلاقى الحب.
وسبحان الله ناس متستاهلش حظها حلو وبتلاقيه..
الحمد لله انك خلصتى منه ويارب تلاقى اللى احسن منه 100 مرة ويكون يستاهلك وتستريحى معاه..آمييييييييييييييين
تعرفى انا دايما بقول لماما انا مش هتجوز لانى مش حلوة.ودى حقيقة على فكرة.بعيدا عن الكدبة الكبيرة اللى اسمها جمال الروح وان كل بنت ليها جمالها والكلام الفاضى ده...
لأ فى حاجة اسمها بنت مش حلوة وانا منهم والموضوع ده عقدنى جدااااااااااا
بس تعرفى الظاهر ان العقدة دى كويسة ومن مصلحتى احسن من لما كنت ابقى انسانة طبيعية ويبقى نفسى اجوز وملاقيش حد يعبرنى.او حد يستغل طيبتى

سورى انى طولت عليكى بس الكلام بيجيب بعضه....
ربنا يسعدك يا قمر

6:12 PM  
Anonymous Anastasia said...

السلام عليكم و رحمة الله و بركاته

الى بنت النيل اللطيفة جدا قصتك نفس فصتى مع اختلاف الاحداث و انى لارفع القبعة بكل شكر واجب الى الاخ " Motazaweg " و الذى اعتبر تعليقه احسن تعليق قرائته فى حياتى لمشكلة و كنت اتمنى قراءته من شهور عندنا بدات فى اجتياز ليالى الالم الطويلة و استمحينى عذرا لاذكر لكى فى اختصار سطور من فصتى و ما كنت فيه و ما اصبحت فيه .

انا كمان حبيت واحد جدا من اول ما شفته استريحت له و بحكم ظروف الزمالة كنت باتكلم معاه و كنت حاسة انه الانسان اللى ربنا عوضنى بيه و بعت هولى جزاءا و مكاففاة من عنده على صبرى و رغبتى انى التزم و ابعد عن جو حركات الفتيات و الشباب اليومين دول المهم يا ستى كان اصغر منى باكتر من 4 سنين و مع ذلك كنت بتحس ان عقلية لارجل و تفكيره اهم من سنه و ان الفرق مش كبير للدرجة اللى تحسسنى انه طفل المهم باختصار عرف بمشاعرى لكن مش راعانى فيها ابدا بل بالعكس للدرجة اللى حسيتنى انى باستنزف نفسيا و عصبيا و عاطفيا بعد تجربة دامت 6 شهور من الالم و القلق و الخوف من بكرة و الاحساس بالقسوة من الطرف الاخر اللى بيحكى لم على البنات اللى عرفهم قبل كده و يكلمهم ادامك و حاجات كتير بلاش نتكلم فيها و مع ذلك كنت دايما بالتمس العذر الا ان فاض بيا فعلا و حسيت انى مش شايفة اى شىء جميل فقررت الرحيل باى شكل و البعد عنه و اد ايه كان صعب و تصادف وقت اتخاذ القرقا مع معرفتى منه ان فى ناس سالوه ان كان ناو يرتبط بيا و الا لاء و هو انكر و اكد اننا اخوات يعنى خلاصة القول انى فقد الثقة فيه تمام و فضلت بعد الـ 6 شعور حوالى 3 شهور تانيين احاول اضمد جراحى و احاول اقسو عليه و استنفر كل قوتى و اركز على تغيير صورته من انسان حبيته فعلا و تمنيت انه يكون شريك لحياتى الى مجرد زميل و زميل من الدرجة التالتة كمان و على فكرة انتى لازم تفرحى لى لانى قدرت اه و الله قدرت صحيح تعبت جدا بس قدرت كنت بافتكر الكلام اللى كان بيقولهولى عن انى مش باحبه و انه عشان انا اكبر منه فممكن اكون بافكر انى اتجوز اى حد و خلاص عشان مفضلش من غير زواج سبحان الله يعنى انا لو كنت عاوزة اتجوز ما كنت اتجوزت اى حد و خلاص لكن الةاحد بيقول ان العشرة الطيبة و التفاهم اساسى للزواج اننا عاوزة اقولك انى التمست له كل اعذار الدنيا و كنت صبورة معاه لاخر وقت لكن حسيت ان كدخ تجريح و اهانة و كمان تساعد الناس عليا و تسمع منهم يعنى غلط فى غلط و انا فعلا من النوع اللى زى ما قال متزوج طول الوقت يانب نفسه و ييلتمس العذر للاخرين , مقدرش اقولك بعد سنة اهو ايه عملت حاجة جامدة خدت القرار و نفذته و فى نفس الوقت بحكم الزمالة مخسترش اى حد بالعكس زرعت فى نفسى فكرة الزمالة و ان النصيب نصيب لكن الزمالة لها احترامها و عاوزة اقولك انه لسة خاطب من كام يوم و حضرتك الخطوبة بصبر من ربنا و مش حاكدب عليكى انه ساعات بافتقده جدا مع العلم انه مقدمليش اى شىء يحسسنى انه بيحبنى بجد و الله مش باكدب عليكى و لا حتى انه مقدر مشاعرى لكن انا عارفة انى لما حبيته فانا حبيته لان انا لسة الدتيا عندى ابيض او اسود و لا ثالث بين الاحتمالين عشان كده عديت كل اليام و عديت كل الجروح و عديت الالام و فضلت النفس الكويسة اللى تحب الخير للناس و على فكرة لما كان رايح يخطب قالى و ساعتها ترجمتها عشان اقدر اتحملها بان اللى بيحب بجد بيتمنى الخير للى ادامه سواء كان معاه او مع غيره و طالما هو سعيد فانا بخير لكن للحق انا بابكى كتير و بادعى ربنا يهون عليا و يصبرنى و اتمنى محدش يشوف اللى انا شفته و ثقى ان ربنا مش بيسيب حد ضعيف و مظلوم من غير ما يسانده باى طريقة بينزل على قلبه الصبر و بيظهر فى طريقه ناس تسنده و تعينه كانها جنود مجندة - صدقينى انا كل ده حصل معايا - عشان كده انا مؤمنة انك حتعدى بالقوة و الصبر و افتكرى الالم اللى سببهولك حتلاقى نفسك عايزة تجرى منه بالمشوار و انتى بتجرى متبصيش وراكى خالص خالص و اصبرى فى يوم حتقدرى تبصى وراكى و تلاقيه بعييييييييييييييد و يمكن لو افتكرتيه متفتكريش حاجة من اللى حصلت صدقينى كل الاوقات الصعبة بتعدى و بيفضل الذكرى الكويسة استجمعى نفسك و اقفلى عليكى القوقعة شوية و اخرجى منها بسرعة اكثر قوة و كونى متاكدة ان ربنا معاكى فى كل وقت و......ومضان كريم

6:58 AM  
Anonymous Anonymous said...

Ana maret belenty bet2oli bardo bes bardo ma3 e'7telaf el 2asbab.
lel2asaf elshabab mish bas bey7asesonana enena '7serna karametna felmawakef ele zay de la2 kaman beystanzefo masha3erna felfatra ele bey3ayshoona feeha homomhom dee(elkaddaba '3aleban)
weba3d keda tekteshfi en kol 7aga kedb asasan w fe3lan merayt el7ob 3amya zay maby2oolo

Rebena y3enek 3ala enek tensi wy3eny wkol ele mar belmawkef da w '7aleeki waska en rabena mish haydaya3ek weyrzo2ek bely yestahlek begad weys3ed 2albek insh2allah :)

5:52 PM  
Anonymous Anonymous said...

رد بس على الانسه $$Dado$$

لأ يا ستي لا جنس الولاد بأه أضعف ولا البنات أقوى.. هيا مبتتحسبش كده

الفكره هيا مجتمعات "Communities" اكيد مجتمع الشباب الي حواليكي في دراستك أو شغلك ضعيف وبيداري ضعفه في هيافته.. ده مش معنى ان الشباب كلهم ولا حتى كتير منهم كده.. نصيحتي ليكي ببساطه حاولي تغيري ال "Communituy" بتاعك ولاد وبنات

12:41 AM  
Anonymous Anonymous said...

'طب أقول ايه انا بعد الكلام الجميل اللى فوق ده انا وانا بقرا قصتك قولت ايه ده هو انا كنت نايمة تنويم طغططيسى وكتبت هنا من غير ماحس ولا ايه؟ مهما قلتلك اد ايه اللى حصلك حصلى مش حاقدر اوصف مع فرق بسيييط وهو انى ......وبمنتهى اللطف برضه سبت المأسوووف على شبابه من أول مرة رجع فيها تانى وقاللى مش قادر و متسيبينيش و... نفس الاسطوانة المشروخة اللى سمعتيها واقسم لك بالله العظيم ان الصنف ده ما يستاهل يتبكى عليه او حتى نفكر فيه ثانية واحة بعد النهاردة مش كدة يااخشتى ولا ايه؟.معلش اعذرينى انفعلت حبتين اصلى حاسة بيكى اوى ووووالله العظيم تانى ربنا الرحيم القدير المنان حيعوضنا خيييير كتتتتييير لاننا وقفنا جنبهم البعدا بس هما ما يستاهلوش بس ان شاء الله ده كله مش حيروح هدر لان البر لا يبلى وربنا حيجازينا ان شاء الله خير وادينا اتعلمنا بجد دروس كتير مكناش ابدا حنتعلمها من غير التجربة ى واخيرا ادعيلك بالزوج الصالح انت و كل البنات العسل اللى هنا .معلش طولت بس لانى فعلا زى ماقلتاك حاسة بيكى اوى و نفسى افضفض وافش غلى شويتيين!!!!

11:17 AM  
Anonymous Anonymous said...

بجد انا مش عارفة اقول ايه الشباب انضربوا وقليل ماتلاقى راجل بجد بس مهمتنا ان احنا نواسى بعض وكمان نحس ان احنا مش لوحدنا وبجد انا نفسى ارقى راجل كويس ومحترم اتحامى فيه ويحمينى واحمدى رلبنا ان انتى ماوقعتيش فيه لانه بجد مش محترم الحمد لله وافكرك بقول الرسول صلى الله عليه وسلم (ماصابك لم يكن ليخطاك وما اخطاكلم يكن ليصيبك)الحمد لله

2:33 AM  
Anonymous Anonymous said...

عزيزتي الجميلة برايد
شفتك و عرفتك لأول مرة في 90 دقيقة
وكنت سعيدة بيكي جدا
يمكن لأنك عبرتي ببساطة عن مشاعر رئيسية موجودة في حياتي و يمكن تكون هي محور حياتي و حياة بنات كتيييييير ببساطة أنا احدى شريكاتك في كفاح التغلب على كابوس العمر اللي بيمر على بنات زي الورد من غير ما يلحقوا يحققوا غريزة جميلة مخلوقة جواهم بانهم يبقوا زوجات محترمات مكافحات صابرات و ............أمهات ايوة
انا نفسي ابقى أم
و أعتقد ان ده من حقي
شكرا ليكي على المدونة الجميلة دي و يسعدني اني اكتب تعليقي فيها
و اعرفك بان عيد ميلادي ال32 بعد 3 شهور

4:14 PM  
Blogger MoniSoft said...

الشاب دة مريض نفسى
و على فكرة انت اتنازلت كتير
مش المهم تتجوزى، المهم تعيشى صح
متخليش مشاعرك تتحكم فيكى، خليها البوصله اللى تدلك على الطريق مش الطيارة اللى بتتحركى بيها

12:06 PM  
Anonymous Anonymous said...

taty

3ayza 2a2olk any w ana ba2ra kasatak ka2any ba2ra ksaty balzabt ana kan baygrali walahy aktar man aly anty bata7kih dah kaman bgad ana lisa makwaya b al nar de ana al mafrood saybah man shar OCT. w hoa still yagy w ykalmny la2any f basht3`al f makan hoa bay7abo gedan w shayf ano position to7fa bas baykalmny dalw2ty w kwais w ana ba7ean a7yanan yarg3 lama ta2olilo a7na eah a7na just friends no more no less momkean t2oli close friends soo karart any maklmosh tany bas ta5ailai fa3lan an ana ba7ab al bahdala da aly ana aktashafto la2no lisa bayw7ashny yab2a aked ana ba7ab al bahdala

6:21 AM  
Anonymous Anonymous said...

ساندى
الحقيقة أنا أتصدمت لما قريت قصتك إزاى مقدرتيش تعرفى واحد زى ده على حقيقته خصوصا أنه كان باين عليه أنه ندل من الاول عموما متزعليش نفسك وعلى رأى المثل خيرها فى غيرها وأن شاء الله ربنا حيرزقك بلى أحسن منه

4:04 PM  
Anonymous amira said...

نفس القصة!!!!! انا برده فضلت احب شخص سبع سنين وبرده يبعد ويرجع وانا اسامح لدرجة انه ارتبط في مرة من المرات وبعد وكان بيبقى قاعد مع البنت قدامي ولما سابها ورجع اتأسف انا برده سامحت وفي الاخر جه بعد سبع سنين يقولي كل واحد ليه حياته (انتي ليكي حياتك وانا ليا حياتي بس احنا لازم نكلم بعض) دا ايه الحب دا!! وفضلنا بعيد سنتين ورجع عاوز نبقى مع بعض....أنا:ليه هو:عشان ماينفعش مانبقاش مع بعض ليه نسيب بعض بس اصدقاء ههههههههههههههه وبعدت عنه وسبحان الله اتخطبت بعدها بأقل من شهر اكيد كنت هاموت نفسي من اللي سمعته منه بعد 9 سنين حب
ماتزعليش وماتندميش على حاجة ماتستاهلش يابنت النيل

5:01 AM  
Anonymous Anonymous said...

هاي يا جميل
بصي انا مش ليه تعليق علي الموضوع الناس قالت كل حاجة انا بس عايزه اعلق علي الكلمة اللي تاعبة آعصاب الناس قوي ...... بجد في ناس تفكيرها كله جنس وبس
يا اساتذة "اتنكت" دي يعني اتآمرت.... اتعززت ..... طلعت القطط الفطسانه..... مش معناها زي م دماغكو العبقرية فهمتها... بمعني علاقة جنسية ...... بجد بجد كل واحد تفكيره وتآويله للكلام بيدل علي شخصيته..... بصي يا نونه المرة الجايه حطي التشكيل علشان تريحي دماغك

6:49 AM  
Blogger tota said...

انا هاسميكى لطيفة :) وافتكر هايبقى اسم على مسمى عشان انتى فعلا لطيفة وطيبة عشان انتى لو مكنتيش كدة مكنتش رجعتيلوا بعد ماسابك اول مرة او بلاش اول مرة هانقول كنتوا لسة معرفتوش بعض كفاية ولما سيبتوا بعض عرفتوا قيمة بعض ورجعتوا ورجعلك . بس دة رجع وسابك تانى وانتى مافكرتيش تقوليلوا اى حاجة غير اوكى بكل لطف كمان. وبصراحة مكنش ينفع دة يكون رد فعلك. مش هاقولك كان لازم تتخانقى معاة بس كنتى لازم تفوقية وتعرفية انك مش تحت ايدوا وقت مايحب يرجع انتى موجودة ولما يحب يمشى انتى مش مايداة ويمشى عادى وبعدين يرجعلك ويحصل نفس الموال بصراحة انتى غلطانة مكنش ينفع تتساهلى معاة كدة من اول مرة لو كنتى فوقتية مافتكرش انوا كان هايكررها تانى لاكن انتى اتساهلتى مرة واتنين وتلاتة لغايط ما فى الاخر جرحك ومشى بكل سهولة .بس عموما ماتزعليش كلنا بنتعلم من اخطاءنا . دة غير انها اول تجربة بالنسبالك . انا مش عايزاكى حتى تندمى انك عرفتية . على الاقل جربتى حاجة واحساس افتكر كنتى محتجاة واتعلمتى اكيد من التجربة دى حاجات كتير . اعتبريها تجربة وعدت وكملى حياتك عادى.وماتخليهاش تاثر فى حياتك وكملى وعيشى وانشاء اللة ربنا هايعوضك بحد احسن منة وبطريقة احسن من الى عرفتية بيها :)

12:56 PM  

Post a Comment

<< Home